Serbia po paraqet rrezik për sistemin nërkombëtar financiar

Në këtë listë Serbia është gjetur për herë të parë në shkurt të këtij viti, dhe përkundër pohimeve të përfaqësuesve të qeverisë serbe se në ndërkohë janë plotësuar rekomandimet e FAFT-it, pas rishikimit në qershor të këtij viti dhe tani në tetor, ajo ka mbetur në këtë listë, Serbia edhe më tutje paraqet rrezik për sistemin ndërkombëtar financiar,.

Nga “lista e zezë” në ndërkohë janë larguar Iraku, Vanuatu, derisa Serbia është edhe më tutje në shoqëri me Etiopinë, Ganën, Sirinë, Pakistanin…

Në raportin më të ri të FAFT-it, i cili është publikuar më 19 tetor, Serbia gjendet në listën e 11 vendeve me rrezik të lartë të financimit të terrorizmit dhe shpëlarje të parave.

Nën “mbikëqyrje të kësaj organizate ndërkombëtare Serbia është vënë në shkurt 2018. Në fund të qershorit FATF e ka rishikuar listën e vendeve të cilat paraqesin rrezik për sistemin ndërkombëtar financiar, pas të cilit nga kjo listë janë larguar Iraku dhe Vanatu, por jo edhe Serbia.

Pasi në shkurt, për herë të parë doli lajmi se Serbia është në “listën e zezë”, reagimi i qeverisë ishte – heshtje. Insajder ka shkruar se kabineti i Ana Bënabiqit iu ka ndaluar ministrave ta komentojnë këtë. Ajo në një prononcim për këtë medie, në vend të përgjigjes në pyetjen e parashtruar, ka “vlerësuar” se ky vendim është i motivuar politikisht, dhe se SHBA janë ata të cilët kanë insistuar që të miratohet ky raport.

Në anën tjetër guvenatorja  e Bankës Popullore të Serbisë Jorgovanka Tabakoviq ka thënë se shkaku për të cilin Serbia është gjetur në këtë listë është keqpërdorimet e detyrave zyrtare nga zyrtarët serb si dhe shpëlarja e parave nëpër afera të ndryshme bankare në këtë vend.