Rama: Përveç se në televizor, do ju dal së shpejti në frigorifer

Kryeministri Edi Rama zhvilloi një takim në zonën e Laprakës me gra dhe vajza, si një nga zonat më të prekura nga kumari. Në nisje të fjalimit, Rama tha se preferonte të bisedonte ulur, pasi në këmbë e kishin parë vazhdimisht në televizor.

Rama: Mbase është më mirë në formë bashkëbisedimi. Duke mbajtur fjalime në këmbë më shikoni çdo ditë në televizor dhe ndoshta edhe në frigorifer. Nëse nuk ju kam dalë, do ju dal së shpejti. Sot, zgjodhëm të vijmë këtu në Laprakë sepse kjo zonë është një nga zonat më të prekura nga sëmundja e kumarit me një numër jo të vogël pikash të basteve dhe kumarit.