6 minuta më parëProkuroria kërkon një muaj paraburgim për zv/ministrin Cena, seanca mbahet sot
Periskopi(8 vite më parë)
(8 vite më parë)Prokuroria Themelore e Prishtinës tashmë ka dërguar kërkesën tek Gjykata për masën e paraburgimit prej 30 ditësh ndaj zëvendësministrit të Zhvillimit Rajonal, Musa Cenës dhe dy të dyshuarve tjerë. Kryeprokurori i Prokurorisë Themelore të Prishtinës, Imer Beka ka konfirmuar për Periskopin se tashmë kërkesa për masën e ndalimit i është dërguar Gjykatës dhe qysh sot […]
Kryeprokurori i Prokurorisë Themelore të Prishtinës, Imer Beka ka konfirmuar për Periskopin se tashmë kërkesa për masën e ndalimit i është dërguar Gjykatës dhe qysh sot pritet të mbahet seanca e parë dëgjimore.
‘Sot është bërë kërkesa për caktim të paraburgimit ndaj tre personave. Musa Cenës, Nysret Shalës dhe Hazer Shehut. Pra kërkesa është bërë dhe sot pritet që Gjykata të mbajë seancën e parë dëgjimore për caktimin e paraburgimit’, ka thënë Imer Beka për Periskopin.
Zëvendëministri i Zhvillimit Rajonal, Musa Cena së bashku me dy të dyshuar tjerë janë arrestuar mbrëmë për veprën penale “keqpërdorim të detyrës zyrtare” dhe Marrje të Ryshfetit” nga pala e dëmtuar.
’Ju informoj se me datë 20.10.2018 Policia e Kosovës pas ndërmarrjes se veprimeve hetimore ka kryer arrestimin e tre personave të dyshuar te involvuar në veprat penale Marrje e Rryshfetit dhe Keqperdorim i Pozites apo autoritetit Zyrtar sipas kodit penal te Republikes se Kosoves. Te dyshuarit duke vepruar ne bashkryerje dyshohet se kane marre rryshfet nga pala e dëmtuar’’, tha zëdhënësi Daut Hoxha për Periskopin.
Kujtojmë që Cena vjen nga radhët e partisë së Ramush Haradinajt, AAK./Periskopi/
