6 orë më parëOSBE fajëson institucionet për dhunën në familje në Kosovë
Periskopi(8 vite më parë)
(8 vite më parë)Policia e Kosovës sot ka filluar fushatën sensibilizuese kundër dhunës në familje. Drejtori i saj, Rashit Qalaj, tha se fushata e filluar ka për qëllim sensibilizimin e shoqërisë në lidhje me dhunën në familje. Sipas tij fenomenet e tilla nuk do të tolerohen, por për këtë ka kërkuar edhe ndihmën e qytetarëve, për të cilët […]
Sipas tij fenomenet e tilla nuk do të tolerohen, por për këtë ka kërkuar edhe ndihmën e qytetarëve, për të cilët ka thënë se duhet të bëhen partnerë në luftimin e dhunës në familje.
“Ta japim një mesazh bashkërisht që dhuna të largohet nga shtëpitë tona. Kërkoj nga të gjithë, bashkërisht që kudo që shihni, kudo që dëgjoni që përdoret dhunë, të raportoni Policinë e Kosovës, në mënyrë që bashkërisht me kontributin e të gjithëve, megjithëse të gjithë jemi të obliguar para ligjit, por edhe si pjesëtarë të kësaj shoqërie ta ndalojmë dhe ta minimizojmë dhunën në familje”, ka bërë thirrje Qalaj
Në anën tjetër, përfaqësuesi nga OSBE, Wolfgang Nikolaus, ka deklaruar se dhuna në familje është një fenomen global, por që më së shumti e vuajnë gratë dhe Kosova nuk bënë përjashtim.
Nikolaus e ka quajtur dhunën në familje “krim të tmerrshëm”, gjë që i bënë shoqëritë më të dobëta dhe më fragjile.
Nikolaus nuk ka lënë pa përmendur edhe mosefikasitetin mjaftueshëm e institucioneve kosovare për të zbatuar ligjet dhe angazhimin e varfër të shoqërisë për të luftuar këtë fenomen.
“Deri më tani, institucionet publike në Kosovë nuk kanë qenë mjaft të afta të përkthejnë në mënyrë efektive këto ligje në praktikë. Po ashtu, dhuna në familje është e lidhur me një angazhim të dobët të shoqërisë për të raportuar rastet e dhunës tek institucionet e rendit. Duke e parë këtë problem, dhuna në familje është bërë prioritet i misionit të OSBE-së në Kosovë”, ka vënë në pah Nikolaus.
Fushata do të vazhdojë edhe në qytete të tjera të Kosovës dhe do të zgjas disa ditë.
