6 orë më parëOdaloviq: Në dy lokacione në Medvegjë nuk u gjetën varreza masive
Periskopi(8 vite më parë)
(8 vite më parë)Kryetari i Komisionit të Serbisë për persona të zhdukur Velko Odaloviq ka thënë për FoNet se në dy lokacione të fshatit Medevce, në komunën e Medvegjës, në të cilat u bënë gërmime me dyshimin për varreza masive, nuk është gjetur asgjë. Ai ka shtuar se sot, me kërkesë të Kosovës, do të verifikohet edhe lokacioni […]
Ai ka shtuar se sot, me kërkesë të Kosovës, do të verifikohet edhe lokacioni “Jalovishte”, te Rashka, transmeton Koha.net.
“Në lokacionet në Medevce është gërmuar sipas informatave se aty gjendeshin varreza masive e urdhrin për gërmim e kishte dhënë Prokuroria e Serbisë pas kërkesës nga Kosova”, ka thënë Odaloviq.
Sipas fjalëve të tij, në verifikim kanë marrë pjesë përfaqësues nga delegacioni i Kosovës, të organizatave ndërkombëtare dhe persona nga Komiteti Ndërkombëtar i Kryqit të Kuq për persona të pagjetur.
Në fund ai ka thënë se pret që edhe Kosova të gërmojë në lokacionet ku Serbia dyshon të ketë varreza masive.
