2 orë më parëMinistria e Arsimit i pagoi biletë 880 euro analistes dhe studentes për udhëtimin në Letoni
Periskopi(8 vite më parë)
(8 vite më parë)Në muajin mars të këtij vitit, Ministria e Arsimit, Shkencës dhe Teknologjisë, që udhëhiqet nga Shyqiri Bytyqi, kishte sponsorizuar udhëtimin e një profesoreshe të muzikës drejt Letonisë, që njihet edhe si analiste, Besa Luzha dhe një studenteje me emrin Fjona Sopi. Luzha dhe Sopi, edhe pse nuk e kishin përfaqësuar ministrinë në konferencën e Shoqatës […]
Luzha dhe Sopi, edhe pse nuk e kishin përfaqësuar ministrinë në konferencën e Shoqatës Evropiane për Muzikën në Shkolla në Rigë të Letonisë, biletat e tyre kthyese që kishin kushtuar 880 euro, ishin paguar nga Ministria.
Vendimi kishte ardhur pas kërkesës së Luzhës drejtuar ministrisë më 28 shkurt, 2018.
“Pëkrahet financiarisht pr. ass. Besa Luzha dhe studentja Fjona Sopi me shumë prej 880 euro për pajisje me dy (2) bileta të udhëtimit Prishtinë-Riga-Prishtinë, për pjesëmarrje në Konferencën e EAS në Letoni nga data 13-18 mars, 2018”, thuhet në vendimin e Ministrisë të cilin e posedon Periskopi.
Periskopi ka kontaktuar nëpërmjet telefonit me Luzhën, e cila ka thënë se udhëtimi i saj dhe i students Sopi ishte financuar nga ministria.
“Po, biletat tona janë paguar nga Ministria për në konferencën e EAS në Letoni. Jo, nuk e kemi përfaqësuar ministrinë”, tha ajo.
Luzha tha se paratë e biletave i kishin dalë më vonë asaj dhe studentes, në muajin gusht. /Periskopi/
