2 orë më parëKush i vodhi sandalet e profetit Muhamed?
Periskopi(8 vite më parë)
(8 vite më parë)Në mesin e disa gjërave që mbante profeti i fundit islam, Muhamedi, ishin edhe një palë sandale. Ato i zotëronte Pakistani deri para 16 vjetësh kur edhe u zhdukën diku. Të shokuar që ende nuk kanë arritur t’i gjejnë këto relikte të profetit Muhamed, zyrtarët pakistanezë janë kujtuar të ndërmarrin diçka: të hetojnë se ku […]
Kështu, shefi i Gjykatës Supreme në Pakistan ka krijuar një Komision Hetimor për sandalet e Muhamedit, shkruan al arabya, transmeton Periskopi.
“Shefi i Gjykatës Supreme ka urdhëruar krijimin e një Komisioni Hetimor për të hetuar zhdukjen e sandaleve të profetit nga xhamia ikonike e Pakistanit”, thuhet në një deklaratë zyrtare të Gjykatës Supreme pakistaneze.
“Nuk mund t’i ruajmë madje as sandalet e profetit Muhamed. Turp për ne”, citohet të ketë thënë Saqib Nisar, kreu i Gjykatës Supreme.
Sandalet që mendohet se ishin të profetit Muhamed, janë zhdukur në vitin 2002. Vjedhja e artefakteve në Pakistan, sidomos ato që u përkasin periudhave dhe figurave fetare, nuk është asgjë e re.
Thuhet se sandalet mund të jenë vjedhur nga vendi ku ishin të ekspozuara brenda xhamisë së madhe të Pakistanit ‘Xhamisë Badshashi’ e cila ishte ndërtuar gjatë vitit 1673. Mijëra peligrinë dhe vizitorë nga mbarë bota shkojnë në këtë xhami brenda ditës.
Historia e sandaleve të profetit Muhamed, transmetohet në mënyra të ndryshme. Interpretimet islame thonë se profeti i kishte veshur ato gjatë periudhës së trazirave që solli sundimi i perandorit Timerlan. Ndërkohë që interetime tjera, thonë se të njëjtar, i ishin dhënë si dhuratë këtij perandori gjatë pushtimit të Damaskut në vitin 1400. /Periskopi/
