4 orë më parëKundërshtohet vendosja e tregut te ‘Bill Clintoni’: Po prishet imazhi
Periskopi(8 vite më parë)
(8 vite më parë)Agim Rexhepi nga shoqata “Miqtë e Amerikës” ka reaguar lidhur me vendosjen e tregut tek sheshi “Bill Clinton” në Prishtinë. Ai ka thënë se vendosja e këtij tregu, dëmton dhe prish imazhin e Kosovës pasi që sipas tij, ai është një nga vendet më të vizituara nga turistët në Prishtinë, raporton Ekonomia. “Vet fakti që […]
Ai ka thënë se vendosja e këtij tregu, dëmton dhe prish imazhin e Kosovës pasi që sipas tij, ai është një nga vendet më të vizituara nga turistët në Prishtinë, raporton Ekonomia.
“Vet fakti që shumë qytetarë të asaj zone shpesh herë më thirrin në telefon dhe kërkojnë që të intervenohet dhe të mos vendosen ato tezga para shtatores sepse në atë mënyrë deformohet vendi jepet një imazh i keq dhe jepen sinjale të ndryshme. Nuk e di a është i bërë me qëllim apo pa qëllim, mirëpo vet fakti që është ka përsëritet një veprim i tillë, edhe pse shumë herë kemi apeluar në mënyrë publike dhe në mënyrë private dhe në mënyra të ndryshme u kemi dërguar si palë përfaqësuesve të komunës që të mos veprojnë në një mënyrë të tillë sepse ai vend nuk është i dedikuar për treg”, tha Rexhepi.
Ai shton se ky vend është i dedikuar për një personalitet, një përfaqësuesi kryesor për Kosovën, Bill Clintonit, mirëpo si duket “kërkesat tona kanë rënë në vesh të shurdhër edhe është duke u përsëritur”.
“Veprimi i tillë është i pamoralshëm ta them kushtimisht sepse në atë mënyrë vendosja e patateve e domateve para shtatores jep një ngjyrim krejtësisht tjetër. Elementi më qenësor se pse ne reagojmë është sepse jemi dëshmitar se ai shesh është shndërruar vend turistik kryesor, nuk ka shtetas të jashtëm që nuk vinë para asaj shtatore me bë një fotografim dhe se në këtë mënyrë me dashje a pandashme ne dërgojmë mesazhe negative dhe e degradojmë sheshin në të cilin është investuar një kapital i jashtëzakonshëm politik për tu sjell presidenti në Prishtinë dhe për tu ngrit imazhi i atij sheshi”, ka thënë tutje Rexhepi.
Ai shtoi se ka bërë kërkesë tek kryetari i komunës, Shpend Ahmeti për takim, për të diskutuar heqjen e këtij tregu mirëpo sipas tij, kërkesa ka hasur në vesh të shurdhër.
“Unë kam bërë pyetje publike lidhur me këtë. Unë jam i vetëdijshëm që ata banor kanë nevojë për një treg ambulant. Mirëpo jam i vetëdijshëm që pasojat e veprimit të tillë janë jashtëzakonisht negative. Apeloj tek kryetari dhe institucionet komunale që t’i kapin finesat politike dhe ta heqin sepse si i tillë dëmton imazhin e Kosovës. Unë kam kërkuar deri me tash takim mirëpo nuk më është mundësuar një gjë e tillë. Ne kemi kërkuar që në atë shesh të vendoset një punëtor i sigurisë të ketë kamera, të mirëmbahet”.
Nga Komuna e Prishtinës nuk janë përgjigjur për këtë çështje.
