3 orë më parëKryeministri e pranon skandalin me falsifikimin e vendimit të Qeverisë: Dikush po, mua nuk më kujtohet
Periskopi(8 vite më parë)
(8 vite më parë)Emisioni “Drejtësia në Kosovë” sonte transmetoi një hulumtim rreth vendimit të qeverisë për dërgimin në Kuvend të listës me emrat e të përzgjedhurve për Bordin e Zyrës së Rregullatorit të Energjisë. Kryeministri Ramush Haradinaj ka thënë se dikush ia ka ndërruar vendimin e Qeverisë, por ka hezituar t’ia përmend emrin. Në pyetjen e BIRN se […]
Emisioni “Drejtësia në Kosovë” sonte transmetoi një hulumtim rreth vendimit të qeverisë për dërgimin në Kuvend të listës me emrat e të përzgjedhurve për Bordin e Zyrës së Rregullatorit të Energjisë.
Kryeministri Ramush Haradinaj ka thënë se dikush ia ka ndërruar vendimin e Qeverisë, por ka hezituar t’ia përmend emrin.
Në pyetjen e BIRN se kush ia ka hequr emrat nga vendimi i marrë më 24 korrik, ai thotë “Dikush po, dikush po”.
“Ku me i gjet ata. Unë kam deklaru në paraqitje publike që janë katër, po në disa raste kam dëgju që është praktikë që nuk qohen 4 për një vend… por është praktikë që shkojnë dy. Sigurt nuk muj me precizu”, tha Haradinaj.
Në pyetjen se a i ka hequr ai emrat, kryeministri thotë se ‘Mu nuk m’kujtohet që i kam hjekë unë’.
Ndërsa i pyetur se kush, Haradinaj përgjigjet ‘Dikush po, dikush po’.
Për pozitën e Kryesuesit të Bordit të ZRRE-së, ishin miratuar 4 emra: Petrit Pepaj, Bekim Jakupi, Përparim Kabashi dhe Fadil Ismajli. Dy të fundit ishin hequr në mënyrë të dyshimtë nga lista, ani pse ishin votuar në mbledhjen e Qeverisë.
