6 orë më parëKomuna mbron linjat e reja të autobusëve, operatorët e akuzojnë për kaos
Periskopi(8 vite më parë)
(8 vite më parë)Komuna e Prishtinës është e vendosur që të mos tërhiqet nga vendosja e linjave të reja të autobusëve në lagjet “Mat” dhe “Kalabria”. Kryetari i Komunës, Shpend Ahmeti, në një qëndrim të tij të shfaqur në rrjetin social “Facebook”, ka thënë se Komuna ka ndërhyrë me autobusë të rinj në disa pjesë të qytetit ku […]
Kryetari i Komunës, Shpend Ahmeti, në një qëndrim të tij të shfaqur në rrjetin social “Facebook”, ka thënë se Komuna ka ndërhyrë me autobusë të rinj në disa pjesë të qytetit ku ata kanë pasur profit, posaçërisht në rrugën “Muharrem Fejza” dhe në “Kalabri” (te Shkolla Ekonomike), shkruan sot Koha Ditore.
“Po ashtu, transportuesi nga Makoci është ankuar që autobusi i Keqekollës po ia merr udhëtarët, sepse të gjithë po kanë dëshirë të voziten në autobusët e rinj. Kërkesë e kanë që autobusët e rinj të tërhiqen nga ‘Kalabria’ dhe nga Lagjja e Spitalit, sepse ata i kanë pasur autobusët e tyre të vjetër në këto linja”, ka thënë Ahmeti.
Ai ka numëruar disa arsye, që, sipas tij, kanë bërë që Komuna të vërë autobusët e rinj në linjat rreth të cilave bënë një sërë protestash kompanitë private të transportit publik.
Ai ka thënë se fillimisht “Trafiku Urban” i ka lajmëruar nënkontraktorët disa herë gjatë viteve të fundit se autobusët e rinj do t’i zëvendësojnë të vjetrit. Pastaj lagjja “Kalabria” dhe Lagjja e Spitalit kanë bërë qindra kërkesa për transport publik. Dhe ka shumë linja që kalojnë në disa pjesë në të njëjtat rrugë.
