4 orë më parëKëshilli Drejtues i UP-së ia vazhdon mandatin sekretarit Esat Kelmendi
Periskopi(8 vite më parë)
(8 vite më parë)Me 5 vota për dhe 3 kundër Këshilli Drejtues i Universitetit të Prishtinës ia ka vazhduar mandatin Sekretarit të Përgjithshëm të UP-së, Esat Kelmendi. Pas mbledhjes, kryetarja e Këshillit Drejtues të UP-së, Ardiana Bunjaku ka thënë se personalisht ka qenë që të hapet konkurs për këtë pozitë mirëpo vendimi është marrë përmes votave të Këshillit, […]
Me 5 vota për dhe 3 kundër Këshilli Drejtues i Universitetit të Prishtinës ia ka vazhduar mandatin Sekretarit të Përgjithshëm të UP-së, Esat Kelmendi.
Pas mbledhjes, kryetarja e Këshillit Drejtues të UP-së, Ardiana Bunjaku ka thënë se personalisht ka qenë që të hapet konkurs për këtë pozitë mirëpo vendimi është marrë përmes votave të Këshillit, raporton Koha Ditore.
“Kanë qenë dy propozime, njëri që të hapet konkurs dhe tjetri që t’i vazhdohet mandati. Kemi qenë 8 anëtarë të Këshillit, dhe sipas votave 5 i kemi për vazhdim të kontratës dhe 3 që të hapet konkurs”, ka thënë shkurt ajo.
Siç kishte raportuar Koha Ditore duke u thirrur në burime brenda Rekotratit, disa anëtarë të Këshillit ishin kundër vazhdimit të mandatit për Kelmendin. Koha.net ka raportuar gjatë ditës se Sindikata e Universiteteve dhe e Shkencës së Kosovës (SUSHK) i ka drejtuar një letër Këshillit Drejtues të Universitetit të Prishtinës ku ka kërkuar që sekretarit të përgjithshëm të UP-së, Esat Kelmendi t’i vazhdohet mandati në bazë të performancës së treguar.
Në fillim të këtij muaji, rektori i UP-së, Marjan Dema i ka bërë kërkesë Këshillit Drejtues të UP-së për vazhdimin e mandatit të sekretarit i mirëpo kjo po kundërshtohet nga disa anëtarë të këshillit të emëruar nga ministri, Shyqiri Bytyqi.
Për vazhdimin e mandatit të sekretarit kishin dhënë qëndrim edhe Ministria e Administratës Publike (MAP) dhe Këshilli i Pavarur Mbikëqyrës për Shërbyesit Civilë (KPMSHCK) duke e vlerësuar të ligjshëm një veprim të tillë. Në opinionin ligjor të MAP thuhet se pozita e sekretarit të përgjithshëm të UP-së është pozitë e lartë e nivelit drejtues. Sipas këtij, opinioni, bazuar në ligjin për shërbyes civil, pas përfundimit të mandatit nëse performanca e tij ka qenë e kënaqshme titulli i institucionit mund të ja vazhdojë kontratën edhe për 5 vjet.
E sipas vlerësimit të Këshillit të Pavarur Mbikëqyrës për shërbimin civil të Kosovës (KPMSHCK) nuk ekziston asnjë pengesë ligjore që nëse sekretari i përgjithshëm i UP-së ka treguar performancë pozitive dhe ka vlerësime pozitive nga eprori i tij ti vazhdohet mandati siç e parashohin dispozitat ligjore në fuqi, respektivisht rregullorja Nr, 06/2012 për pozitat e larta drejtuese në shërbimin civil.
