3 orë më parëKadrijaj – Osmanit: A e ke pyetur shefin për këtë diskutim sot?
Periskopi(8 vite më parë)
(8 vite më parë)Me tensione dhe pa kuorum për të votuar. Ky është rezultati i mbledhjes së sotme të Komisionit për Punë të Jashtme, Diasporë dhe Investime Strategjike, ku nuk u arrit kuorumi për të kaluar propozimin që të bëhet analizë për procesin e dialogut me Serbinë, dhe të dilet pastaj me rekomandime për qeverinë. Deputetja e PDK-së Evgjeni Thaçi- Dragusha […]
Me tensione dhe pa kuorum për të votuar.
Ky është rezultati i mbledhjes së sotme të Komisionit për Punë të Jashtme, Diasporë dhe Investime Strategjike, ku nuk u arrit kuorumi për të kaluar propozimin që të bëhet analizë për procesin e dialogut me Serbinë, dhe të dilet pastaj me rekomandime për qeverinë.
Deputetja e PDK-së Evgjeni Thaçi- Dragusha e lëshoi mbledhjen kur erdhi koha e votimit, kurse u kthye në sallë pas votimit.
Deputetët Time Kadrijaj dhe Danush Ademi nuk votuan fare, andaj 5 votat pro, nuk ishin të vlefshme për kuorum.
Mbledhja e sotme po përcillet me tensione dhe debate në mes të deputetëve.
Për çështjen e dialogut, Time Kadriaj nga AAK, iu drejtua Vjosa Osmanit dukeni i thënë: A e keni pyetur shefin tuaj për këtë diskutim sot?
“Shefi im është populli, unë funksionoj ndryshe, nuk funksionoj me shef sikur ju”, ishte përgjigja e deputetes së LDK-së.
Komisioni po vazhdon mbledhjen me shqyrtimin e vlerësimeve të sindikatës së MPJ-së lidhur me shkeljet në shërbimin e jashtëm.
Kurse, më herët pati kritika të mëdha rreth raportit të qeverisë për dialogun me Serbinë. Nga VV dhe LDK ky raport u vlerësua si i mangët dhe jo transparent
