5 orë më parëJevtiq: Të dënohen përgjegjësit e rastit të Vasfije Krasniqit
Periskopi(8 vite më parë)
(8 vite më parë)Ministri për Kthim dhe Komunitete, Dalibor Jevtiq, në një intervistë për emisionin Info Magazine në Klan Kosova ka folur për rastin e Vasfije Krasniqit, duke shprehur keqardhje për përjetimet e saj dhe kërkoi që përgjegjësit të dënohen jo vetëm për këtë rast, por për të gjitha rastet që kanë ndodhur gjatë ngjarjeve të luftës. “Është […]
“Është e trishtueshme, pa marrë parasysh kush e ka bërë. Lufta nuk i sjellë dhimbje vetëm njërës palë. Kjo nuk duhet vetëm të gjykohet, por të procesohet dhe përgjegjësit të dënohen dhe jo të përgjithësohen. Jo të gjithë serbët dhe shqiptarët janë fajtorë për gjithçka”.
Ai foli edhe rreth marrëveshjes Kosovë-Serbi, duke treguar se çka është më e rëndësishme sipas tij.
“Tema numër një janë të drejtat e njeriut. Nuk mund të injorojmë faktet që është kjo mënyra e vetme që të kemi një paqe të plotë dhe nga ana tjetër se si mund të jetë marrëveshja përfundimtare. Unë personalisht nuk pres që Serbia të thotë ‘e njohim Kosovën si shtet të pavarur’, por në këtë moment të shikohet se çka do të jetë me e përshtatshme. Ky është një proces që do të zgjasë me vite të tëra derisa të krijohen kushtet”.
“Dialogu s’ka alternativë. Është një hapësirë për arritjen e kompromisit për moscaktimin e linjave të kuqe, por Beogradi dhe Prishtina të merren vesh dhe kjo do të sillte paqe të përgjithshme. Kemi shprehur brengën tonë për tri ligjet për FSK-në dhe e kemi të qartë që serbët duhet të marrin pjesë në këtë proces, sepse FSK duhet t’i përfshijë të gjitha komunitetet”.
“Mesazhi më i mirë që do të mund të dërgohej në këtë moment pas sulmit në autobusin e pelegrinëve është reagimi i policisë dhe arrestimi i personave përgjegjës, që kjo çështje nuk mund të trajtohet si nxitje, rrezikim i sigurisë publike, por është një incident që bën pjesë në raportet në mes të komuniteteve”.
