6 orë më parëJeremiq: Me korrigjimin e kufijve, ‘Shqipëria e Madhe’ është rrezik real
Periskopi(8 vite më parë)
(8 vite më parë)Kryetari i i Partisë Popullore në Serbi, Vuk Jeremiq, gjatë mbledhjes së Bordit të Përgjithshëm të partisë tregoi kohën që sipas tij, do të ndodh korrigjimi i kufijve mes Kosovës e Serbisë. Siç thotë ai korrigjimi nënkupton një mundësi që Kosova të bëhet anëtare me të drejta të plota në Organizatën e Kombeve të Bashkuara(OKB). […]
Kryetari i i Partisë Popullore në Serbi, Vuk Jeremiq, gjatë mbledhjes së Bordit të Përgjithshëm të partisë tregoi kohën që sipas tij, do të ndodh korrigjimi i kufijve mes Kosovës e Serbisë.
Siç thotë ai korrigjimi nënkupton një mundësi që Kosova të bëhet anëtare me të drejta të plota në Organizatën e Kombeve të Bashkuara(OKB).
Siç raporton FoNet, Jeremiq ka thënë se “Demarkimi i kufijve do të thotë se në anën tjetër të kufirit të mbetet 90 për qind e territorit të Kosovës, por edhe pjesët jugore të Serbisë, të cilën shqiptarët e quajnë Lugina e Preshevës”.
Madje siç u shpreh Jeremiq, “korrigjimi është edhe fillimi i krijimit të ‘Shqipërisë së Madhe,”.
“Në të drejtën ndërkombëtare, nuk ka asgjë që mund të parandalojnë dy anëtarë të OKB-së të bashkohen në një shtet të vetëm. Kur flasim për Shqipërinë e Madhe, i’u them se është rrezik i afërt dhe real”, tha ai.
Jeremiq shtoi sse kjo do të ndodh në fillim të vitit 2019, pasi që presidentët e të dyja vendeve do ta prezantojnë një marrëveshje gjithëpërfshirëse në tremujorin e parë të muajit të ardhshëm.
Sipas tij, edhe pse presidenti, Aleksandar Vuçiq nuk e ka përkrahjen e popullit serb për këtë ide, përsëri vazhdon ta mbështesë korrigjimin e kufijve.
