Ja si do të veprojë Komisioni nëse del se Shpend Maxhuni ka ndërhyrë në rastin e djalit të tij

Kryetarja e këtij Komisioni Ganimete Musliu tha se pasi të informohen në vijë zyrtare për gjithë rastin në bazë të ligjit do të merren masa, transmeton Periskopi.

“Pasi ta marrim raportin zyrtarisht nga policia, do ta shqyrtojmë raportin, do të kërkojmë sqarim pse është ndryshu raporti, pse ka dyshime nëse ka pas tendencë për t’u ndryshu, por asnjë gjë nuk mund të shtojmë ose të vijmë në përfundim sepse ne nuk jemi si komisionp parlamentar për t’ia bo gjyqin askujt. Ne ushtrojmë kontroll demokratik mbi institucionet dhe do të kërkojmë në vijë zyrtare të informohemi si ka rrjedhë, nëse ne si komision evidentojmë ose na vërtetohet që drejtori i AKI-së ka pas ndikim në çështje atëherë konform ligjit do të kërkojmë nga institucionet përgjegjëse të marrin masa”, ka thënë Musliu në emër të komisionit.

Ajo tregoi se ky vendim erdhi me konsensus të të gjithë anëtarëve të Komisionit, ndërsa Lëvizja Vetëvendosje kërkoi shkarkimin e drejtorit të AKI-së, Shpend Mazxhuni.

Ju e dini se si komision duke pas ndjeshmërinë e punës së komisionit dhe institucionit që ne I bëjmë kontrollin demokratik dhe vendimet merren me consensus. Sot kishte zëra të ndryshëm, kishte nga partitë opozitare, ku Vetëvendosje kërkoi shkarkimin e drejtorit të AKI-së, Shpend Maxhuni. Por, megjithatë Komisioni konstatoi me shumicë ose vlerësoi që ne fillimisht të informohemi në vijë zyrtare për krejt çka ka ndodh lidhur me rastin, sesa ka qenë ligjërisht i involvuar drejtori i AKI-së në këtë rast, a ka pas ndërhyrje në rastin dhe pastaj pasi t’i kemi informacionet ne do të përgjigjemi në një takim të rradhës. Ne duhet të mësohemi t’i respektojmë institucionet tona dhe do t’i shqyrtojmë e vlerësojmë raportet e policisë pasi t’i kemi informacionet”, ka përfunduar Musliu./Periskopi/.