7 orë më parëIu ndalua qymyri, punëtorët e KEK’ut kërkojnë para për dru
Periskopi(8 vite më parë)
(8 vite më parë)Sindikata e punëtorëve të KEK-ut ka reaguar ndaj vendimit të ministrit të Zhvillimit Ekonomik për ndalimin e dhënies së qymyrit si dhuratë për këta punëtorë. Në vendimin e nënshkruar dje nga ministri Valdrin Lluka, thuhet se vendimi është marrë në kuadër të masave për mbrojtjen nga ndotja e ajrit. Viteve të kaluara, KEK-u ka pasur […]
Viteve të kaluara, KEK-u ka pasur traditë dhurimin e mesatarisht 10 tonëve qymyr për 4 mijë e 500 punëtorë.
Lidhur me vendimin e sotëm, kryetari i sindikatës, Izet Mustafa, tha se vendimi është i papranueshëm.
“Ata pikë së pari s’kanë analizë sa punëtorë e marrin qymyrin e që e përdorin në Prishtinë, e tërë ecuria e refuzimit lidhet me atë se po bëhet ndotja e ambientit në Prishtinë. Ne e kemi kërkesën alternative ju kemi treguar që Kosova Thëngjilli i ka borxh KEK-ut miliona euro e kërkesa është që për shembull qymyri të merret përmes tyre e të ulet borxhi për KEK-un, të jepet përmes minierës ose nëse refuzohen të dy alternativat atëherë KEK-u duhet t’u ndajë mjete materiale punëtorëve në vlerë të 10m kub dru”, tha Mustafa për Kallxo.com.
Ai, po ashtu, tha se po presin vendimin për veprime sindikale ndaj këtij vendimi.
“Ne qëndrojmë prapa kërkesave tona dhe tani u mbetet organeve udhëheqëse të SPEK- ut për vendim rreth veprimeve të mëtejme. Sa i përket rritjes së pagave punëtorët e KEK- ut, ata meritojnë paga shumë më të larta se sa janë tani dhe ju e dini qe krahasuar me disa ndërmarrje tjera në Kosovë pagat e tyre janë bindshëm më të larta se sa të punëtorëve tanë”, tha Mustafa.
Idenë për subvencionimin e druve nuk e kishte kundërshtuar as ministri Lluka në shtator.
Ai theksoi se punëtorët e KEK-ut tani kanë më pak arsye për kërkim të qymyrit si dhuratë pasi kanë marrë rritje rroge.
“Reagimet janë të pritshme por duke konsideruar se punëtorëve të KEK-ut i janë rritur rrogat për 100 euro të gjithëve, atëherë kjo pak a shumë e lehtëson atë barrën. Mund të bashkëpunojmë me KEK-un që të gjejmë forma të tjera të zëvendësimit për shembull ndoshta qoftë edhe me subvencione me dru apo diçka të tillë por thëngjilli nga ana jonë nuk do të jetë assesi i pranueshëm”, kishte thënë Lluka.
