5 orë më parëHoti: Ideja për korrigjimin e kufijve po krijon pasiguri te komunitetet
Periskopi(8 vite më parë)
(8 vite më parë)Shefi i Grupit Parlamentar të LDK-së, Avdullah Hoti, ka akuzuar drejtpërdrejtë presidentin Hashim Thaçi, se me përpjekjen e tij për të finalizuar idenë për korrigjim të kufijve, ka ndikuar që komunitetet pakicë të mos ndihen të sigurt në Kosovë dhe të refuzojnë institucionet e Republikës së Kosovës. Sipas tij, Kosovës do t’i duhet kohë për […]
Shefi i Grupit Parlamentar të LDK-së, Avdullah Hoti, ka akuzuar drejtpërdrejtë presidentin Hashim Thaçi, se me përpjekjen e tij për të finalizuar idenë për korrigjim të kufijve, ka ndikuar që komunitetet pakicë të mos ndihen të sigurt në Kosovë dhe të refuzojnë institucionet e Republikës së Kosovës.
Sipas tij, Kosovës do t’i duhet kohë për ta kthyer besimin e të gjithë qytetarëve të Kosovës se nuk ka ndryshim të kufirit, nuk ka ndarje të Kosovës, dhe se ardhmja e tyre është e sigurt në Kosovë.
Ky është postimi i plotë:
“Insistimi antikushtetues i Presidentit aktual për korrigjimin e kufirit i ka dëmtuar përpjekjet tona për dy dekada për të ndërtuar një shtet ku qytetarët e të gjitha komuniteteve ndihen të sigurt për të ardhmen e tyre. Ky angazhim i Presidentit ka shtuar hezitimin ndaj institucioneve të Republikë së Kosovës nga ana e disa komuniteteve. Do të na duhet shumë kohë dhe energji për ta kthyer besimin e të gjithë qytetarëve të Kosovës se nuk ka ndryshim të kufirit, nuk ka ndarje të Kosovës, dhe se ardhmja e tyre është e sigurt në Kosovë”, ka shkruar Hoti në Facebook./Periskopi/
