3 orë më parëHoti i reagon Vuçiqit për ushtrinë: Kanë ankth ata që synojnë gllabërim tokash në Ballkan
Periskopi(8 vite më parë)
(8 vite më parë)Shefi i Grupit Parlamentar të Lidhjes Demokratike të Kosovës, Avdullah Hoti, ka komentuar deklaratat e presidentit serb, Aleksander Vuçiq, se krijimi i Ushtrisë së Kosovës do të shkaktojë probleme dhe ankth. Sipas Hotit kjo mund të jetë e vërtetë, por vetëm për ata që ende kanë ambicie të vjetra, ndryshime kufijsh në Ballkan dhe gllabërim […]
Shefi i Grupit Parlamentar të Lidhjes Demokratike të Kosovës, Avdullah Hoti, ka komentuar deklaratat e presidentit serb, Aleksander Vuçiq, se krijimi i Ushtrisë së Kosovës do të shkaktojë probleme dhe ankth.
Sipas Hotit kjo mund të jetë e vërtetë, por vetëm për ata që ende kanë ambicie të vjetra, ndryshime kufijsh në Ballkan dhe gllabërim tokash, transmeton Periskopi.
Hoti ka shkruar duke qenë bindshëm pro krijimit të ushtrisë, e cila sipas tij do të determinojë paqe dhe siguri në rajon.
Ky është postimi i plotë:
Dje Presidenti i Serbisë Vuçiq formimin e Ushtrisë së Kosovës e kualifikoj si diçka që do të shkaktoj shok dhe ankth. Kjo mund të jetë e vërtetë por vetëm për ata që thirrjet për paqe dhe stabilitet në rajon i kan kamuflime për të realizuar ambicije të vjetra, ndryshime kufinjësh në Ballkan dhe gllabrim tokash. Kjo gjithashtu mund të jetë e vërtetë edhe për ata që punojnë kundër interesave evro-atlantike në rajonin tonë. Përndryshe formimi i Ushtrisë së Kosovës, do të determinoj paqe dhe siguri në rajon si dhe shtrirje dhe forcim të gjeopolitikës evro-atlantike. Prandaj krijimi i saj është proces që nuk mund ta ndal askush dhe atë do ta bëjmë në bashkëpunim me aleatët tanë.”, ka shkruar Hoti në Facebook.
Të enjtën Kuvendi i Republikës së Kosovës pritet që të shqyrtojë tri Projektligjet për shndërrimin e FSK-së në Ushtri të Republikës së Kosovës.
Kjo nismë ka përkrahjen e gjithë faktorit politik në vend, ndërsa kundërshtohet vetëm nga Lista Serbe./Periskopi/.
