Gazetari i Kohës Ditore deshifron dy keqpërdoruese: Gruan e Aleksandër Lumezit dhe gruan e Dukagjin Pupovcit

Gazetari i njohur i të përditshmes Koha Ditore, Besnik Krasniqi, ka bërë një shkrim në profilin e tij në Facebook në lidhje me nëntë abuzuesit e gjetur, të cilët prej vitesh kishin marrë pagë nga Ministria e Shëndetësisë për punën që s’e bëjnë. Ai e quan një gjë të tillë si “zhvatje të taksave tona”.

Ai është marrë në veçanti me dy raste, atë të Besa Lumezit e cila është gruaja e Kryeprokurorit të Shtetit, Aleksandër Lumezit dhe me Hatixhe Pupovcin, ish-asambleisten e Lëvizjes Vetëvendosje që është bashkëshorte e ekspertit të arsimit, Dukagjin Pupovcit.

Krasniqi komenton se “qysh tash e dimë se ky keqpërdorim nuk do të trajtohet fare” për zonjën Lumezi – duke aluduar në lidhjet e saj me Kryeprokurorin e Shtetit, shkruan Periskopi.

Sa i përket zonjës Pupovci, shkruan se “ajo nuk resht së denoncuari në publik keqpërdorime e keqmenaxhime në sektorë të ndryshëm, e veçmas në arsim e shëndetësi. Është bashkëshorte e Dukagjin Pupovcit, organizata e të cilit ka menaxhuar dhjetëra miliona euro në fushën e arsimit. Do të jeni dëshmitarë se, krahas Prokurorisë, për këtë rast nuk do të bëjë zhurmë as ajo pjesë e shoqërisë civile në koalicion me organizatën e Pupovcit.”

Deshifrim i dy abuzueseve!

Besa Lumezi dhe Hatixhe Pupovci janë dy nga nëntë profesorët e Mjekësisë që prej vitesh marrin pagë nga Ministria e Shëndetësisë, për punën që s’e bëjnë. Pra, na i zhvasin taksat tona.

Qe pse i veçova këta dy emra, nga nëntë sish sa i publikoi sot Koha Ditore:

Besa Lumezi është bashkëshorte e Kryeprokurorit të Shtetit, Aleksandër Lumezi. Organi i akuzës do të duhej ta trajtonte këtë rast. Abuzuesit do të duhej të nxirreshin para drejtësisë. Por, qysh tash e dimë se ky keqpërdorim nuk do të trajtohet fare. Sepse, perfituese nga ky abuzim është edhe bashkëshortja e Kryeprokurorit, Besa, e cila para pak vitesh jashtëligjshëm ishte zgjedhur edhe në thirrjen akademike Profesor Asistent.

Hatixhe Pupovci ka qenë asambleiste e Lëvizjes Vetëvendosje. Ajo nuk resht së denoncuari në publik keqpërdorime e keqmenaxhime në sektorë të ndryshëm, e veçmas në arsim e shëndetësi. Është bashkëshorte e Dukagjin Pupovcit, organizata e të cilit ka menaxhuar dhjetëra milionë euro në fushën e arsimit. Do të jeni dëshmitarë se, krahas Prokurorisë, për këtë rast nuk do të bëjë zhurmë as ajo pjesë e shoqërisë civile në koalicion me organizatën e Dugit, meqë nuk e kanë hallin e buxhetit të shtetit që zhvatet edhe nga Hatixhja, por te grantet dhe donacionet.

/Periskopi