Elvana në kërkim, por ja çka po bën motra e saj

Elvana Gjata është shpallur në kërkim nga policia, për të marrë deklaratën e saj në lidhje me përleshjen me armë që ndodhi mbrëmjen e 4 tetorit në zonën e ish-Bllokut, ku mbeti i vrarë edhe një person.

Këngëtarja është larguar nga Shqipëria disa orë pas ngjarjes, pikërisht në Gjermani ku kishte edhe një koncert, bëri të ditur Blendi Fevziu gjatë emisionit “Opinion”. Mirëpo, të gjithë e dinë se në këtë shtet, jeton edhe motra e madhe e këngëtares, e cila është ndër personat më të dashur për të.

Por duket se Migena Gjata nuk është përfshirë aspak me këtë histori pasi do të vijojë me axhendën  e koncerteve të saj. Së shpejti, Migena do të mbajë një koncert në Pallatin e Brigadave në Tiranë, që do të jetë i dyti për audiencë të zgjedhur brenda një harku kohor prej një viti. Sopranoja rikthehet në kryeqytet sërish në vjeshtë, pas koncertit të një viti më parë në Universitetin e Arteve, i mbajtur në kuadër të tetorit gjerman.

Vitin e shkuar, Elvana Gjata mori pjesë në koncertin e së motrës, e shoqëruar nga stilisti Valdrin Sahiti. Të gjithë fansat e saj nuk lanë pa komentuar veshjen e shtrenjtë të këngëtares, ku binte në sy shalli “Fendi” hedhur rreth krahëve me vlerë 1890 dollarë.

Ndërkohë që tanimë, ajo është shpallur në kërkim nga Policia së bashku me të dashurin e saj Ervin Mata, Mevjol Bilon dhe Fabian Allushin, transmeton Panorama.al