2 orë më parëDrejtorët e udhëheqësit e larguar nga MASHT’i i drejtojnë letër Haradinajt
Periskopi(8 vite më parë)
(8 vite më parë)Drejtorët e departamenteve dhe divizioneve të Ministrisë së Arsimit, Shkencës dhe Teknologjisë (MASHT), të larguar ditë më parë nga pozitat e tyre, i kanë drejtuar letër kryeministrit Ramush Haradinaj. Në letër thonë se e kanë njoftuar për shkeljet e procedurave që janë bërë për hartimin e akteve nënligjore sipas Rregullores së Punës së Qeverisë, raporton […]
Në letër thonë se e kanë njoftuar për shkeljet e procedurave që janë bërë për hartimin e akteve nënligjore sipas Rregullores së Punës së Qeverisë, raporton Koha.net.
Në emër të parashtruesve të kësaj kërkese, u drejtohen kryeministrit duke i thënë që kërkojnë nga ai të shfrytëzoj autoritetin e tij, dhe të anulojë këtë akt për, siç thonë ata, organizimin e brendshëm dhe sistematizimin e vendeve të punës në MASHT.
Ata, gjithashtu kanë bërë kërkesë që të takohen sot me kryeministrin Haradinaj.
Kujtojmë se rreth 30 drejtorë e udhëheqës të MASHT-it të cilët kanë pasur aktemërim të përhershëm (vend i përhershëm i punës) janë larguar nga pozitat e tyre.
Një pjesë e tyre janë sistemuar si koordinator ose ushtrues detyre e disa nga ta ende nuk kanë marrë vendim se në çfarë pozitash janë emëruar. Në vend të drejtorëve dhe udhëheqësve të larguar, MASHT-i ka emëruar ushtrues detyre deri në përfundimin e procedurave të rekrutimit.
Ditë më parë, ata edhe kanë protestuar para MASHT-it.
