4 orë më parëDjali i ditëlindjes: Sali Berisha, kardiologu që e risolli islamin në Shqipëri
Periskopi(8 vite më parë)
(8 vite më parë)Sali Berisha feston sot ditëlindjen e 74. Ai vazhdon të jetë aktiv në jetën politike në Shqipëri dhe mbetet ndër liderët më karizmatikë në Ballkan, shkruan Periskopi. Ai ka lindur më 15 tetor 1944. Është kardiolog që ka shërbyer si presidenti i dytë i Shqipërisë nga viti 1992 deri më 1997 dhe kryeministër prej 2005-s […]
Sali Berisha feston sot ditëlindjen e 74. Ai vazhdon të jetë aktiv në jetën politike në Shqipëri dhe mbetet ndër liderët më karizmatikë në Ballkan, shkruan Periskopi.
Ai ka lindur më 15 tetor 1944. Është kardiolog që ka shërbyer si presidenti i dytë i Shqipërisë nga viti 1992 deri më 1997 dhe kryeministër prej 2005-s deri më 2013-n.
Gjatë kohës së komunizmit ai ishte sekretar i komitetit të Partisë së Punës në Fakultetin e Mjekësisë në Universitetin e Tiranës.
Berisha u lind në Viçidol të Tropojës, në veri të Shqipërisë afër kufirit me Kosovën. Babai i tij ishte Ramë Berisha ndërsa e ëma quhet Sheqere.
Ai është martuar me Liri Berishën, pediatre. Ajo është presidente e Fondacionit të Fëmijëve shqiptarë. Fondacioni i saj fokusohet në fëmijët me autizëm dhe sindromën down. Sali Berisha ka deklaruar se ndihet krenar që është mysliman, dhe është përshkruar si i tillë nga burimet perëndimore. Ai e riktheu islamin në skenën politike shqiptare, duke ndjekur një kurs të ri-islamizimit të vendit pas dekadash të politikave anti-religjioze nën komunizëm. /Periskopi
