4 orë më parëBahtiri – Haradinajt: Do të luftoj si luan për Mitrovicën
Periskopi(8 vite më parë)
(8 vite më parë)Kryetari i Komunës së Mitrovicës nga radhët e AKR’së, Agim Bahtiri, ka reaguar ndaj deklaratave të kryeministrit Ramush Haradinaj, i cili e kishte paralajmëruar që të matet me deklaratat për bashkimin e Mitrovicës, raporton Periskopi. Bahtiri në Imazh të RTK’së ka thënë se kryeministri Haradinaj duhet ta dijë se ai është i gatshëm të luftojë […]
Bahtiri në Imazh të RTK’së ka thënë se kryeministri Haradinaj duhet ta dijë se ai është i gatshëm të luftojë si luan për Mitrovicën dhe qytetarët e saj.
Tutje, Bahtiri thotë se nuk e do dhunën, por paqen – andaj nuk ka ftuar protestë, pasi beson se thirrjes së tij do t’i përgjigjeshin qindra mijëra njerëz.
“Unë kryeministrin e kam mik, por kryeministri le ta dije se unë jam edhe në komunë edhe në shtet. Ura duhet me u lëshue edhe ajo ure ka me u lëshue. Qytetarët e Mitrovicës duhet të rrinë të qetë. Kqyre, unë nuk e du dhunën, unë jam për paqe, veç mbane mend, me ba me thirr unë protestë kane me ardhë qindra- mijëra njerëz. Por unë nuk kam thirr protestë. Unë iu kam thënë qytetarëve te mi rrini të qetë sepse ata e dinë kënd e kanë kryetar, unë do të luftoj për të mirën e tyre, e kanë kryetarin që lufton si luan për të mirën e tyre”, ka thënë Bahtiri.
Ditë më parë ai kishte paralajmëruar se në hapjen e urës së Mitrovicës do të përformonte një këngëtare me famë botërore, duke mos treguar se për kë bëhet fjalë.
Më pas, mediet raportuan se këngëtarja e ftuar nga Bahtiri do të jetë Shakira./Periskopi
