6 orë më parëTurqia i propozon BE-së një formulë për liberalizimin e vizave
Periskopi(8 vite më parë)
(8 vite më parë)Turqia do të paraqesë një draft dokument për të nisur një dialog të liberalizimit të vizave me BE-në. Draft dokumenti ka propozuar për adiminstrimin e çështjes në lidhje me ligjet anti-terroriste përmes “formulës të një grupi punues ndërmijet Ankarasë dhe Këshillit të Evropës (CoE),” tha ministri i jashtëm i Turqisë Mevlut Cavusoglu për “Hurriyet Daily […]
Cavusoglu tha se puna e kryer së fundmi nga ministrat nuk parashikon një ndryshim në ligjin anti-terror të Turqisë, pasi ai mund të sjellë dobësi në luftën e vendit kundër terrorizmit. Edhe nëse nuk sjell cënueshmëri në praktikë, një ndryshim në natyrën e legjislacionit përkatës “mund të krijojë një imazh të dobësisë,” tha ai.
Ministrat ia kanë dorëzuar një draft kryeministrit të Turqisë Binali Yildirim dhe qeverisë për t’ia prezantuar presidentit turk Rexhep Tajip Erdogan për të dhënë fjalën e tij përfundimtarë nëse Ankaraja do ta kalojë dokumentin në Komisionin Evropian, transmeton Persikopi.
Duke përmendur shtatë standardet e dialogut për përjashtimin e vizave, drafti i qeverisë për pozitën ka miratuar disa propozime të BE-së, ndërkohë që ka refuzuar disa prej tyre. Ankaraja ka propozuar formulat e veta për disa kritere të tjera, sipas ministrit.
“Ne nuk mund të bëjmë një ndryshim në ligjin kundër terrorizmit në këtë moment. Edhe BE-ja ka marrë masa të mëtejshme lidhur me terrorizmin,” tha Cavusoglu./Periskopi/
