3 orë më parëThaçi pyetet nëse e di kush e vrau Ivanoviqin: S’dua të dëmtoj hetimet, por informatat janë shpresdhënëse (Video)
Periskopi(8 vite më parë)
(8 vite më parë)Presidenti i Kosovës Hashim Thaçi ka thënë se vrasja e liderit serb të SDP-së, Oliver Ivanoviq është ngjarje tragjike, e cila më së paku i ka konvenuar Kosovës. Ai ka thënë se nuk ka qëllim t’i dëmtojë hetimet, mirëpo, sipas tij informacionet janë shpresdhënëse lidhur me rastin. “Unë nuk mund t’i dëmtoj hetimet, por informacionet […]
“Unë nuk mund t’i dëmtoj hetimet, por informacionet janë shpresdhënëse se do të mund të vie në të ardhmen e afërt shpejt deri te e vërteta, deri te inspiruesit dhe ekzekutuesit e këtij atentati ndaj liderit të serbëve të Kosovës. Nuk dëshiroj me prejudiku se kush qëndron prapa, kush e ka nxitur e ekzekutuar, por atë që mund ta them është se institucionet e vendit janë në krye të obligimeve dhe përgjegjësive, që kjo çështje të zbardhet sa më shpejt që është e mundur”, ka thënë Thaçi në një intervistë për DeutsheWelle, shkruan Periskopi.
Thaçi thotë se ata që e kanë menduar dhe ekzekutuar vrasjen e Ivanoviq, kanë pasur qëllim që ta dëmtojnë Kosovën dhe ta paraqesin si një vend të plumbave, dhe jo të qetësisë dhe stabilitetit.
“Është një ngjarje tragjike. Mesazh më i keq i mundshëm që kemi pasur mundësi të dëgjojmë dhe përjetojmë. Atë që mund ta them është se më së paku kjo ngjarje i është dashur Kosovës. Ata që e kanë menduar, planifikuar dhe e kanë kryer këtë veprim, kanë menduar ta lëndojnë dhe ta dëmtojnë Kosovën, imazhin e Kosovës dhe për ta prezantuar Kosovën si një vend jostabil dhe si një vend të plumbave dhe jo të qetësisë dhe paqes”, ka thënë ai.
Ivanoviq u vra në mëngjesin e 16 janarit. Deri tani, dorasit janë të panjohur për Policinë dhe e vetmja provë materiale që ka është një veturë e djegur që është gjetur jo larg vendngjarjes, e cila dyshohet se është përdorur nga atentatorët për të ikur nga vendi ku është vrarë Ivanoviq. /Periskopi/
