Presidentja e Kroacisë qetëson tensionet serbo-kroate, ka këtë kërkesë për Vuçiqin

Ajo sot iu drejtua mediave dhe publikut në lidhje me marrëdhëniet politike mes Serbisë dhe Kroacisë, të shkaktuara nga akuzat e ndërsjella me rastin e ekspozitës për Jasenovacin në selinë e OKB-së, e cila u hap nga Ministri i Jashtëm serb Ivica Daçiq.

Kolinda Grabar Kitaroviq deklaroi sot se detyra kryesore është mbrojtja e pakicave kroate kombëtare, si kroatët që jetojnë në Serbi dhe serbët në Kroaci, raporton “b92”, transmeton Periskopi.

Ajo tha gjithashtu se vendi i saj do të përpiqet që të gjitha mosmarrëveshjet me fqinjët zgjidhen në mënyrë paqësore dhe me dialog, dhe në qoftë se kjo nuk është e mundur, thotë ajo, Kroacia do t’i drejtohet institucioneve ndërkombëtare.

Gjithashtu, ajo bëri thirrje për të bërë më shumë përpjekje për t’i mbajtur tensionet të qeta.

Kitaroviç tha se ajo përkrah një politikë të dialogut të ndershëm për të zgjidhur çështjen e hapur në një atmosferë pozitive.

Ministrja kroate e Punëve të Jashtme dhe Çështjeve Evropiane Marija Pejçinoviq vlerësoi se Serbia nuk ka kredibilitet për të folur për Jasenovacin, njëkohësisht të rehabilitojë kriminelët e saj nga Lufta e Dytë Botërore./Periskopi/