3 orë më parë“PDK-ja nën qeverisjen e Kadri Veselit vetëm është tkurrur”
Periskopi(8 vite më parë)
(8 vite më parë)Deputeti i LDK-së, Driton Selmanaj, teksa ka folur për Partinë Demokratike të Kosovës, ka thënë se kjo parti ka instaluar kulturën më të keqe të qeverisjes në vend, duke shkatërruar arsimin. “PDK-në e kam parë si partinë që ka vendosur kulturën më të keqe të qeverisjes në Kosovë. Duke filluar me privatizimin dhe shkatërrimin e […]
“PDK-në e kam parë si partinë që ka vendosur kulturën më të keqe të qeverisjes në Kosovë. Duke filluar me privatizimin dhe shkatërrimin e Arsimit”, ka deklaruar ai, shkruan Periskopi.
Sipas Selmanajt, PDK-ja nën qeverisjen e Veselit ka shkuar vetëm duke u zvogëluar.
Në një debat në Klan Kosova, Selmanaj ka kritikuar Veselin, duke thënë se ai nuk e meriton postin e kryetarit të Kuvendit.
Sipas deputetit të LDK-së, Veselin po e pengon rritja e LDK-së dhe për këtë arsye po sulmon prurjet e reja në këtë parti.
“Tash në krye të saj është një person që përveç kryetar i Kuvendit, ka qenë edhe udhëheqës i një institucioni parapolitik”, thotë Selmanaj, shkruan Periskopi.
“Veseli sikur po e sheh që LDK-ja po rikthehet fuqishëm, dhe po i sulmon prurjet e reja.Në fillim është marr me mua” , ka deklaruar Selmanaj.
“Institucioni i Kuvendit nuk e meriton ta ketë një person si Kadri Veseli në krye. PDK-ja po e dëshmon që pas marrjes së pushtetit nga Veseli, që po bie vazhdimisht” është shprehur ai./Periskopi/
