Parlamenti Patriarkal i Kosovës: Krejt kemi gju kur ka lind naj djalë pas 5 çikave

Deputetët e Kuvendit kanë ‘eskaluar’ në fjalor patriarkal duke thënë se ‘ të gjithë kanë mundur të gjuajnë me armë në ahengjet e tyre’.

Ka qenë Memli Krasniqi i cili ka reaguar ndaj fjalës së deputetes Vjosa Osmani dhe deputetit Glauk Konjufca.

Ai ka thënë se LDK duhet t’u tregojë se a garantojnë se asnjë prej anëtarëve të Grupit Parlamentar se ‘asnjëherë nuk ka gjuajtur me armë’.

“U pa nga atmosfera që po zhvillohet debati deri te tentim-dramatizimi i kësaj të fundit A mundeni me garantu krejt ai grup parlamentar që asnjë anëtar i tyre asnjëherë nuk e ka bërë një vendim të tillë asnjëherë, për shembull kur e kanë pasë naj gëzim, kur ju ka lindë naj djalë mas 5 çikave, apo kur e kanë marrë naj nuse.  Këtu nuk është qëllimi me trajtu temën sit ë tillë, por është pak ma shumë politike, e një partizimi të kësaj çështje edhe me u mundu me gjetë një arsye me sulmu qeverinë derisa ka ççështje shumë ma subtanciale që duhet me diskutu. Osmani i dramatizoi këto tema duke përmend një rast me emër. Pa dyshim që raste të tilla meritojnë trajtim të veçantë, por me e gjujtë fajin tash te cilido person, në këtë rast të zëvendëskryeministri, tuj e lidh me një rast tragjik, është sikur me thënë: ne e kemi parë tuj vozitë 200 kilimetra në orë edhe me thënë a e di ai se ka mujtë me ba ndeshje edhe me marrë dikë n’qafë”, ka thënë Krasniqi/Periskopi/