Nuset e reja të shtetit afrikan, rrëfime të dhimbshme (Foto)

“Kur prindërit e m’i dëshironin që unë të martohen, unë ju thashë jo. Por ata më thanë se martesa do të bëhet me ose pa dëshirën tënde. Unë kërkova ndihmë nga vëllai im, por ai thjesht më tha se nuk duhet të mërzitesh. Dhe kështu ndodhi martesa,” rrëfen momentin 15-vjeçarja Hamsatou.

Hamsatou jeton në Gamkalley, disktrikt i Niameit, kryeqytetit të Nigerit. Këtu kur prindërit marrin një vendim, vajzat e tyre duhet t’i binden, raporton “Al Jazeera”, transmeton Periskopi.

Hamsatou jetonte në një shtëpi me tulla me baltë me prindërit e saj dhe gjashtë vëllezërit e motrat, përpara se ajo të martohej. Babai i saj, Sydou Mahaman, ka thënë se e ka marrë këtë vendim pasiqë nuk kishte zgjedhje të tjera.

“Fëmijët të cilët nuk iu binden prindërve të tyre, ata janë të mallkuar,” thotë Leila nëna e Hamsatous.

Shumë prindër mundohen të justifikojnë në mënyrë të ndryshme martesën e fëmijëve të tyre në moshën e re. Lidhjet paramartesore janë tabu në këtë komunitet dhe shtatzënitë para martesës i sjellin kokëçarje gjithë familjes.

Varfëria ekstreme është një faktor tjetër madhor që ndikon në martesat e reja në Niger. Pothuajse gjysma e popullsisë jeton me më pak se dy dollarë në ditë.

Ndërsa ka një rritje ekstreme të një popullatë të të rinjve. 69% e Nigerëve janë nën moshën 24-vjeç. Mesatarisht, çdo grua lind 7-8 fëmijë./Periskopi/