4 orë më parëNis reagimi institucional për nivelin e lartë të ndotjes
Periskopi(8 vite më parë)
(8 vite më parë)Si pasojë e ndotjes së madhe të ajrit, Komuna e Prishtinës ka vendosur të mbajë të enjten mbledhje të jashtëzakonshme, ku do të diskutohet për gjetjen e një zgjidhjeje sa më të shpejtë për të parandaluar rreziqet shëndetësore që mund të paraqiten tek qytetarët. Për ndotjen e ajrit dhe masat që do të ndërmerren, pas […]
Për ndotjen e ajrit dhe masat që do të ndërmerren, pas pak do të mbahet edhe një konferencë e jashtëzakonshme për media e Komunë së Prishtinës, Ministrisë së Ambientit dhe Ministrisë së Punëve të Brendshme.
Kurse, Qeveri e Kosovës sot ka formuar Task Forcën ndërministrore.
Shqetësime të mëdha janë shfaqur pas monitorimeve të cilësisë së ajrit nga Ambasada Amerikane, ku del se Kosova, veçanërisht Prishtina me rrethinë renditet si vendi më i ndotur në botë.
Kjo gjendje ka nxitur reagime nga institucionet e deri tek qytetarët.
Sot edhe kryetari i Kuvendit të Kosovës, Kadri Veseli, ka thënë për mediat se ka inicuar një seancë të jashtëzakonshme në Kuvendin e Kosovës për ndërmarrjen e masave të menjëhershme për përmirësimin e gjendjes.
Ndërkohë është bërë thirrje në rrjetin social Facebook për daljen në protestë për të shprehur indinjatën dhe zhgënjimin ndaj Qeverisë dhe pushtetit lokal për neglizhencë ndaj situatës aktuale.
Protesta do të mbahet më 31 janar (e mërkurë), në ora 12:00.
Derisa situata të përmirësohet qytetarëve iu këshillohet të shmangin daljet nga shtëpia dhe ecja nëpër qytet me maska.
