8 orë më parëMjeku kosovar që kishte marrë pjesë në autopsi, tregon se si ishte vrarë Ivanoviqi (video)
Periskopi(8 vite më parë)
(8 vite më parë)Drejtori i Institutit të Mjekësisë Ligjore, Arsim Gërxhaliu, që ka marrë pjesë në autopsinë e trupit të kryetarit të Iniciativës Qytetare SPD, Oliver Ivanovic, ka dhënë detaje rreth vrasjes që ndodhi të martën në mëngjes. Sipas Gërxhaliut, Oliver Ivanovic është qëlluar me armë zjarri në kafazin e kraharorit. “I njëjti është qëlluar nga predhat të […]
Sipas Gërxhaliut, Oliver Ivanovic është qëlluar me armë zjarri në kafazin e kraharorit.
“I njëjti është qëlluar nga predhat të liruara nga arma e zjarrit në regjionin e kafazit të kraharorit. Shumica e predhave e kanë goditur në pjesën e pasme të shpinës ndërsa dy të tjera në pjesën anësore dhe atë të përparme”, tha Gërxhaliu në një intervistë për kallxo.com
Drejtori i IML-së tha se nga gjashtë predhat njëri ka qenë fatal.
Oliver Ivanoviq, sipas Arsim Gërxhaliut, është qëlluar nga një distancë prej së paku një metër.
“Nga aspekti mjeko- ligjor e kemi atë, se ai ka qenë në largësi mbi një metër”, shtoi ai.
Për predhat e gjetura në trupin e Ivanoviqit, Gërxhaliu tha se i janë dhënë Policisë së Kosovës.
Gërxhaliu tha se i gjithë procesi i autopsisë ka qenë nën udhëheqjen e tij ndërsa ka pasur edhe mjekë nga Serbia, si monitorues.
“Ekipi ynë ka qenë i kompletuar. Kam qenë unë duke udhëhequr, doktoresha Bergita Curri, katër teknikët, fotografi. Autopsia është kryer nën udhëheqjen time. Hetuesia e Policisë së Kosovës ka qenë aty si dhe forenzika. Po ashtu kemi pasur edhe dy mjeko- ligjor të Serbisë që vetëm kanë monitoruar”, tha Gërxhaliu.
Ai i përshkruajti si korrekte sjelljet e familjarëve, të cilët, madje, u janë falënderuar që kanë shkuar për autopsinë.
Kryetari i Iniciativës Qytetare SPD, Oliver Ivanoviq u vra mëngjesin e sotëm para selisë partisë së tij në Mitrovicë.
