3 orë më parëMinistri Sefaj: Po bëjmë gjithçka për kapjen e autorit të vrasjes së Ivanoviqit
Periskopi(8 vite më parë)
(8 vite më parë)Ministri i Punëve të Brendshme ka njoftuar se ka vënë në funksion të gjith mekanizmat që të kapen vrasësit, pas marrjes së informacionit për vrasjen e Oliver Ivanoviqit. Ai ka thënë se po bashkëpunojnë me të gjitha institucionet përgjegjëse për zbardhjen e rastit. Shkrimi i plotë: Me t’u njoftuar me aktin kriminal që ndodhi sot […]
Ministri i Punëve të Brendshme ka njoftuar se ka vënë në funksion të gjith mekanizmat që të kapen vrasësit, pas marrjes së informacionit për vrasjen e Oliver Ivanoviqit.
Ai ka thënë se po bashkëpunojnë me të gjitha institucionet përgjegjëse për zbardhjen e rastit.
Shkrimi i plotë:
Me t’u njoftuar me aktin kriminal që ndodhi sot në veri të Kosovës, si rezultat i të cilit u vra Oliver Ivanoviq, kam vënë në lëvizje të gjitha mekanizmat e shtetit që akterët e këtij krimi të kapen sa më parë. Në koordinim të vazhdueshëm me Policinë e Kosovës, e cila që nga momenti i parë është në vendin e ngjarjes dhe së bashku me mekanizmat tjerë relevantë të sigurisë dhe në koordinim me organet e ndjekjes jemi duke e trajtuar në mënyrë më serioze aktin e vrasjes së Oliver Ivanoviqit.
Institucionet e vendit duke filluar nga Ministria e Punëve të Brendshme, Kryeministria, Policia e Kosovës, Ministria e Drejtësisë, jemi të përkushtuar që këtij akti kriminal t’i japim sa më shpejtë një epilog. Gjithashtu jemi në komunikim të vazhdueshëm me KFOR-in dhe institucionet tjera ndërkombëtare në Kosovë.
Institucionet e Kosovës posedojnë të gjitha kapacitetet e nevojshme për të hetuar këtë rast, si dhe për të ofruar siguri për të gjithë qytetarët e Republikës së Kosovës
