Merkel është tallur keq me kryeministren britanike në Davos, të gjithë gazetarët kanë qeshur

Kancelaria gjermane Angela Merkel thuhet se është tallur me kryeministren britanike Theresa May në një takim me dyer të mbyllura në Davos të Zvicres javën e kaluar.

Mediat britanike shkruajnë se Merkel është tallur me May për shkak të refuzimit të saj për të treguar se çfarë kërkon Britania në negociatat për Brexit, shkruan Periskopi.

Duke qeshur, thuhet se në një takim me gazetarët, Merkel ka përshkruar se si kryeministrja May ka kërkuar vazhdimisht nga ajo që të bëj një ofertë mbi marrëdhëniet pas Brexit’it.

Sipas gazetarit të ITV News, Merkel ka treguar se kjo ka qenë përgjigja për May: “Por ju po dilni, nuk kemi pse t’ua bëjmë ndonjë ofertë. Hajde, çfarë dëshiron?’.

Por May duket se ka insistuar, duke i thënë sërish: ‘Ma bëj një ofertë.’

Kjo mahi e treguar nga Merkel ka bërë të qeshin të pranishmit – si dhe ka shpërfaqur sfidën që May ka përballë në negociatat kur të arrijnë një fazë kruciale.

Britania e Madhe është në një presion të madh për të sqaruar se cili do të jetë raporti i saj me BE-në pas Brexit’it.

Daily Mail shkruan se May është mes dy zjarreve. Ajo po baraspeshon elementet që kërkojnë një ndarje të pastër nga Brukseli si dhe ato që kërkojnë një ndarje më të butë. /Periskopi/