4 orë më parëKur Qeveria e Serbisë thoshte se Ivanoviq është kundër interesave të popullit serb
Periskopi(8 vite më parë)
(8 vite më parë)Megjithëse nuk ka ende asnjë informacion zyrtar për autorin apo autorët e atentatit ndaj Oliver Ivanoviç në pjesën veriore të Mitrovicës, efekti i parë i ngjarjes së rëndë është reflektuar në marrëdhëniet mes Prishtinës dhe Beogradit. Sipas mediave serbe, kreu i delegacionit serb në dialogun dypalësh në Bruksel, Marko Gjuriç njoftoi tërheqjen nga dialogu teknik […]
Megjithëse nuk ka ende asnjë informacion zyrtar për autorin apo autorët e atentatit ndaj Oliver Ivanoviç në pjesën veriore të Mitrovicës, efekti i parë i ngjarjes së rëndë është reflektuar në marrëdhëniet mes Prishtinës dhe Beogradit.
Sipas mediave serbe, kreu i delegacionit serb në dialogun dypalësh në Bruksel, Marko Gjuriç njoftoi tërheqjen nga dialogu teknik dhe rikthimin në Serbi deri në një njoftim të dytë.
“Ky është një akt terrorist dhe kriminal që duhet dhe do të ndëshkohet”, deklaroi ai shkurtimisht për mediat, pas njoftimit për tërheqjen nga dialogu.
Ndërkohë, Presidenti serb, Aleksandër Vuçiç e quajti akt terrorist vrasjen e ish-liderit të SDP-së. Po ashtu, presidenti serb kërkoi që edhe Serbia të përfshihet në hetimet për vrasjen e Ivanoviqit, raporton Insajderi.
Mirëpo, teksa vrasja e Ivanoviqit është kthyer në çështje serioze për Serbinë, vetëm disa muaj më parë ishte shteti serb që e quante ish-kreun e SDP-së figurë destabilizuese të popullit serb në Kosovës.
Serbia u kishte bërë thirrje popullit serb në Kosovë që të mos e votonte Ivanoviqin para zgjedhjeve parlamentare të 11 qershorit. Madje, për shtetin serb Ivanoviq përshkruhej si një kundështar.
“Nëse votoni Oliver Ivanoviqin, ju votoni për prishjen e unitet serb në Kosovë, dhe qartësisht, ju votoni kundër mbajtjes së një lidhjeje organike mes shtetit të Serbisë dhe popullit serb në provincë”, thuhej në një deklaratë të Qeverisë së Serbisë, para zgjedhjeve parlamentare të 11 qershorit në Kosovë.
Lideri i Iniciativës Qytetare SDP, Oliver Ivanoviq, është plagosur gjatë të shtënave mbrëmë në Veri të Mitrovicës. Sipas mediave në Serbi, ai nuk ka mundur t’u mbijetojë plagëve dhe ka vdekur sot në mëngjes.
