Komuna e Prishtinës: Kemi probleme, s’mund të lëshojmë dokumente

Komuna e Prishtinës ka njoftuar se ka probleme në rrjetin e brendshëm për lëshimin e dokumenteve.

Në një komunikate thuhet se “njoftojmë qytetarët e Prishtinës se për shkak të problemeve në rrjetin e brendshëm qeveritar, aktualisht është e pamundur lëshimi i dokumenteve si certifikata e pronës dhe kopja e planit”.

Komuna ka thënë se “me kohë e kemi njoftuar ministrinë përkatëse, në mënyrë që të ndërmerr masa në sanimin e gjendjes”.