6 orë më parëHoxhaj: Rusia po tenton të na destabilizojë
Periskopi(8 vite më parë)
(8 vite më parë)Zëvendëskryeministri i Kosovës, Enver Hoxhaj deklaratat e lëshuara zyrtarisht nga Ministria e Punëve të Jashtme e Rusisë, në lidhje me procesin e hetimeve për vrasjen e ish-deputetit të Kuvendit të Kosovës, Oliver Ivanović, i konsideron përpjekje për të ndërhyrë në punët e brendshme të Republikës së Kosovës, dhe për ta dëmtuar kredibilitetin e institucioneve të […]
Zëvendëskryeministri i Kosovës, Enver Hoxhaj deklaratat e lëshuara zyrtarisht nga Ministria e Punëve të Jashtme e Rusisë, në lidhje me procesin e hetimeve për vrasjen e ish-deputetit të Kuvendit të Kosovës, Oliver Ivanović, i konsideron përpjekje për të ndërhyrë në punët e brendshme të Republikës së Kosovës, dhe për ta dëmtuar kredibilitetin e institucioneve të drejtësisë në Kosovë.
Në një deklaratë dhënë BIRNit, Hoxhaj ka thënë se këto deklarata nuk e kanë në fokus drejtësinë por destabilitetin.
“Këto deklarata janë qëllimkëqija dhe destruktive të cilat nuk e kanë në fokus drejtësinë por destabilitetin. I tillë ka qenë çdo herë roli i Rusisë në raport me Kosovën dhe rajonin. Ballkani Perëndimor mbetet politikisht, gjeografikisht dhe historikisht një rajon evropian i përkushtuar për integrimin në BE, NATO dhe strukturat tjera eurotlantike”, ka thënë Hoxhaj.
Hoxhaj shtoi në emër të qeverisë se çfarëdo deklarate politike është e dëmshme dhe e papranueshme.
Zëdhënësja e Ministrisë së Jashtme ruse tha sot se Prishtina dhe aleatët e saj po fshehin dicka në lidhje me hetimin për vrasjen e Oliver Ivanovićit.
