3 orë më parëHaxhiu: Ne duam të nxirret edhe rezolutë, jo vetëm debat për ajrin e ndotur
Periskopi(8 vite më parë)
(8 vite më parë)Kuvendi i Kosovës do të mbajë nesër seancë të jashtëzakonshme, me temën e vetme në rendin e ditës, atë të ajrit të ndotur në Prishtinë, i cili ka marrë përmasa shqetësuese. Vendimi për mbajtjen e kësaj seance urgjente është marrë sot nga Kryesia e Kuvendit, pas gjendjes alarmuese të ajrit të ndotur në kryeqytet. […]
Kuvendi i Kosovës do të mbajë nesër seancë të jashtëzakonshme, me temën e vetme në rendin e ditës, atë të ajrit të ndotur në Prishtinë, i cili ka marrë përmasa shqetësuese.
Vendimi për mbajtjen e kësaj seance urgjente është marrë sot nga Kryesia e Kuvendit, pas gjendjes alarmuese të ajrit të ndotur në kryeqytet.
Deputetja e VV-së, Albulena Haxhiu ka kërkuar që përveç seancës, të ketë edhe rezolutë për këtë çështje.
“Ne si grup parlamentar konsiderojmë se është tepër e rëndësishme që të mbahet kjo seancë e jashtëzakonshme. Mirëpo, po ashtu jo të kemi rekomandime po rezolutë, sepse keni parasysh që rezoluta është shumë më e fuqishme sesa rekomandimet, të cilat mund të jenë apo mund të mbeten në vullnetin e Qeverisë për t’i zbatuar apo jo. Po ashtu, ne sigurisht që do të bëjmë përpjekje masat e qarta përmes rezolutës pas debatit që do ta bëjmë në Kuvend nesër. Po ashtu, duhet pasur parasysh që nëse nuk kontrollohet nafta, nëse nuk ulet çmimi i energjisë elektrike dhe nëse nuk kontrollohen filtrat e KEK-ut, secila seancë secili diskutim mbetet kot. Po ashtu, ne duhet të shohim mundësin që nesër të parashohim edhe një prej pikave të kësaj rezolute ndarja e mjeteve për 1 milion pemë, të cilat do të mbilleshin në Prishtinë dhe Obiliq”, tha Haxhiu.
Ndërsa kryetari Veseli tha se duhet të mendojnë për një strategji nacionale përmes kësaj seance.
