4 orë më parëGrumbullohen miliona euro borxhe nga shmangia e taksave për eksploatimin e resurseve minerale
Periskopi(8 vite më parë)
(8 vite më parë)Miliona euro borxhe i janë grumbulluar Komisionit të Pavarur për Miniera dhe Minerale (KPMM) si pasojë e mospagesës së taksave nga kompanitë të cilat ekploatojnë resurset minerale, shkruan sot Koha Ditore. Kombinati metalurgjik “Trepça” është ndërmarrja e cila ka më së shumti borxhe të grumbulluara, përderisa borxhi total mbërrin në mbi 23 milionë euro. Kryetari […]
Kombinati metalurgjik “Trepça” është ndërmarrja e cila ka më së shumti borxhe të grumbulluara, përderisa borxhi total mbërrin në mbi 23 milionë euro.
Kryetari i KPMM-së, Ramiz Krasniqi, ka thënë se grumbullimi i këtij borxhi daton që nga 2005-ta, kur ky autoritet ishte krijuar. Në pamundësi të mbledhjes së taksave, sipas tij, dhjetëra kompani janë në procese gjyqësore me KPMM-në.
Nga borxhi i përgjithshëm 11 milionë e 500 mijë euro janë nga kompanitë private, të cilat u janë shmangur obligimeve. Sipas Krasniqit, përveç shmangies nga taksat, këto kompani nuk posedojnë as licencat për eksploatim. Ai nuk ka treguar emrat e këtyre kompanive, porse ka thënë se të njëjtave nuk u është lëshuar licenca.
