Edhe Kadri Veseli shpreh ngushëllime për vdekjen e Jonuz Musliut

Veseli ka shkruar se Musliu ka qenë njëri ndër veprimtarët më të hershëm dhe më kontribuues në përpjekjet e popullit shqiptar për liri.

Postimi i Veselit në Facebook:

Me keqardhje të madhe mora lajmin e hidhur të ndarjes nga jeta të një prej miqve dhe bashkëluftëtarëve të mi, Jonuz Musliut. Jonuzi ka qenë një ndër veprimtarët më të hershëm dhe më kontribues në përpjekjet e popullit tonë për liri e barazi dhe gjithë jetën ai ia ka dedikuar kauzës kombëtare. Ikja e tij e parakohshme jo vetëm që pikëllon familjarët, miqtë e bashkëpunëtorët e tij por edhe lë një boshllëk të madh në sferën politike të bashkëkombëseve tanë në Luginën e Preshevës.