5 orë më parëDrejtoresha nuk paraqitet kurrë në punë, kryetari i Vushtrrisë e largon nga pozita
Periskopi(8 vite më parë)
(8 vite më parë)Kryetari i Komunës së Vushtrrisë, Xhafer Tahiri, ka liruar nga pozita e drejtoreshës së Kulturës, Rinisë dhe Sportit, Lumturie Mehmetin. Tahiri ka bërë të ditur se kjo ka ndodhur pasi që Lumturie Mehmeti nuk është paraqitur në vendin e punës që nga emërimi i saj si drejtoreshë e Kulturës me 27 dhjetor. ‘Kjo ka ndodhur […]
Tahiri ka bërë të ditur se kjo ka ndodhur pasi që Lumturie Mehmeti nuk është paraqitur në vendin e punës që nga emërimi i saj si drejtoreshë e Kulturës me 27 dhjetor.
‘Kjo ka ndodhur pasi që ajo ka vazhduar jetën e saj në Gjermani. Në kohën kur e kemi emëru ajo ka qenë në Gjermani por ka menduar që do të kthehet’’, tha Tahiri.
Ai po ashtu shtoi se ky vendim është marrë me propozimin e Lëvizjes Vetëvendosje, pasi që Mehmeti ishte anëtare e kësaj partie.
“Është propozim nga Lëvizja Vetëvendosje pasi që e kanë kuptuar që ajo nuk do të kthehet në Kosovës të paktën për një periudhë kohore’’, tha Tahiri për kallxo.com.
Kryetari po ashtu shtoi se emërimi i ri do të bëhet shumë shpejt.
‘Shumë shpejt do të bëhet emërimi i ri vetëm po presim propozimin nga Lëvizja Vetëvendosje pasi që është drejtori që u takon atyre dhe kandidatja e re do të jetë nga kjo parti’’, theksoi ai.
Tahiri ka bërë të ditur se në krye të kësaj Drejtorie do të jetë grua.
