Deputetët në Kataloni sot zgjedhin presidentin

Parlamenti i Katalonisë pritet të zgjedhë sot liderin e ri të kësaj krahine spanjolle.

Megjithatë, pasi kandidati Carles Puigdemont është në mërgim në Bruksel dhe qeveria qendrore në Madrid përpiqet të bllokojë zgjedhjen e tij, ka disa skenarë që mund të ndodhin, transmeton Reuters.

Sipas Reuters, Puigdemont mund të zgjidhet president. Ai ndodhet në Bruksel dhe një urdhër arresti është ngritur për të, kështu që do të arrestohet kur të hyjë në Spanjë. Ai dhe pasuesit e tij sugjeruan që Puigdemont të qeverisë nga Brukseli duke u bashkuar përmes një lidhje video.

Kjo u hodh poshtë nga Gjykata Kushtetuese si një mundësi, duke theksuar se Puigdemont duhet të marrë pjesë personalisht në një seancë në të cilën duhet të bëjë betimin.

Skenari tjetër i mundshëm është që parlamenti të zgjedhë Puigdemont, por se ai nuk mund të qeverisë, ndërsa një skenar shumë i mundshëm do të ishte që parlamenti të zgjidhte një kandidat tjetër.