6 orë më parëBeogradi nuk e di sa serbë në Kosovë paguhen dyfish
Periskopi(8 vite më parë)
(8 vite më parë)Gjatë vizitës së para disa ditëve në Kosovë të presidentit të Serbisë, Aleksandar Vuçiq, qytetarët serbë përmendën si një nga problemet pagat e dyfishta, që i marrin disa bashkëkombës të tyre këtu, rikujton RTS sot, transmeton Koha.net. Saktësimi i numrit të tyre, përbën problem tjetër, thekson transmetuesi publik i Serbisë, sipas të cilit Ministria e […]
Saktësimi i numrit të tyre, përbën problem tjetër, thekson transmetuesi publik i Serbisë, sipas të cilit Ministria e Shëndetësisë ka llogarinë e saktë të këtyre njerëzve. Krahas 4.224 punonjësve shëndetësore, të cilët me të vërtetë punojnë në Kosovë, Serbia i paguan edhe ata që nuk ndodhen në ambulancat e Kosovës, që janë 599, transmeton Koha.net.
Puna fiktive (e serbëve) në Kosovë është problematik edhe për shkak të shumës që marrin – krahas pagës bazë, të punësuarve në institucionet serbe (nuk është e qartë nëse është fjala për institucionet paralele të Serbisë në Kosovë, apo flet për Serbinë) u takon edhe shtesa për Kosovën. Ndonëse qysh më 2010 Gjykata Kushtetuese e Serbisë e ka shpallur kundërkushtetuese, kjo praktikë ka vazhduar, shkruan RTS.
atyre që marrin paga dyfish në Serbi, problem përbëjnë edhe ata që paguhen edhe nga Beogradi, edhe nga Prishtina. Ky numër asnjëherë nuk është bërë i ditur.
“Është e qartë se në këtë drejtim duhet të vendoset një bashkëpunim më i ngushtë midis institucioneve tona dhe atyre të Kosovës (RTS thotë Krahinës) në mënyrë që ne e ata të kemi evidencën e kësaj kategorie, por gjithsesi do të jemi shumë të kujdesshëm meqë ne nuk dëshirojmë që kujtdo t’i shkaktojmë padrejtësi shtesë duke e lënë eventualisht pa punë, ose pa pagë”, citon RTS drejtorin e Zyrës për Kosovën në Qeverinë e Serbisë, Marko Gjuriq, transmeton Koha.net.
Nga njëra anë pagat janë rritur ose dyfishuar, kurse nga ana tjetër shkalla e lartë e papunësisë përbën armikun më të madh të mbijetesës së serbëve në Kosovë, thekson ky medium i Beogradit.
