Avni Arifi tregon se si u tërhoq delegacioni serb nga dialogu pas vrasjes së Oliver Ivanoviq

Udhëheqësi i delegacionit në bisedimet teknike Kosovë-Serbi, Avni Arifi, ka treguar se si delegacioni serb është tërhequr nga bisedimet me delegacionin kosovar, menjëherë pas vrasjes së liderit të SDP-së Oliver Ivanoviq.

Ai tha se nëpërmjet telefonit kanë kuptuar nga një zyrtar i BE-së se delegacioni serb është tërhequr nga bisedimet. Delegacioni i Kosovës po bënte përgatitjet e fundit në Bruksel për të nisur dialogun me delegacionin serb.

Ai tha se po përgatiteshin agjendat e bisedimeve dhe takimeve, para se të ndodhte tërheqja e delegacionit serb.

“Nga një zyrtar i BE-së morëm një thirrje telefonike rreth orës 09:30 përderisa ishim në veturë, i cili na informoi për rastin që ka ndodh. Na tha se delegacioni serb është tërhjek nga bisedimet. Pasdite thanë se na tregojnë se a kthehen në dialog ose jo, por ndodhi kjo e dyta, ata u kthyen në Serbi”, tha Arifi për Klan Kosovën, shkruan Periskopi.

Arifi tha se Serbia po mundohet të fajësojë Kosovën por këtë rast, por ai tha se kjo është punë e organeve të drejtësisë.

Ai po ashtu shtoi se dialogu nuk mund të ndalet pavarësisht zhvillimeve. Procesin dialogues ai e quajti të pa-alternativë. /Periskopi/