Asamblisti i LDK-së paralajmëron veprime konkrete kundër ajrit të ndotur

Sokol Havolli, asamblist i Lidhjes Demokratike të Kosovës, ka thënë se që nga nesër, ditë e hënë, do të fillojë të kërkojë nënshkrime nga të gjithë anëtarët e Kuvendit Komunal të Prishtinës për seancë të jashtëzakonshme në lidhje me ndotjen e ajrit në Prishtinë.

Ka thënë se ka diskutime rreth kësaj çështje, por se askush nuk po ndërmerr masa të menjëhershme për ta përmirësuar nivelin e ndotjes së ajrit.

Ai shtoi se listën me disa hapa preliminar për adresim të emergjent ai do ta paraqesë në seancë.

Postimi i Havollit në Facebook:

NDOTJA E AJRIT NË PRISHTINË!

Nga nesër do të filloj të kërkojë nënshkrimet e të gjithë anëtarëve të Kuvendit Komunal të Prishtinës për seancë të jashtëzakonshme lidhur me nivelin e ndotjes së ajrit në Kryeqytet.

Kjo temë ishte aktuale edhe vitin e kaluar. U nisën disa masa nga Qeveria, por se ku kanë mbetur më nuk ka informata.

Në anën tjetër, asnjë hulumtim shkencor nuk ka se kush janë shkaktarët e ndotjes.

Diskutohet se është KEK-u, por KEK-u nuk prekë çdo lagje të Prishtinës.

Diskutohet se janë automjetet, por asnjë hulumtim specifik nuk ka.

Diskutohet edhe për përdorimin e qymyrit nga ekonomitë familjare (mjaft e bazuar sepse edhe lagjet që gravitojnë tek parku i taukbashqes janë po aq të ndotura). E shumë shkaktarë të tjerë.

Në këtë seancë do të parashtrojmë problemin që tashmë është sikur elefanti në dhomë, dhe do të shprehim me të gjithë asambleistët e nënshkruar gatishmërinë që përmes vendimmarrjes së Kuvendit Komunal të merrem hapa të nevojshëm për periudhën afatshkurtë, por edhe të obligohet ekzekutivi që në periudhë afatgjatë të adresoj problemin e ajrit të ndotur.

Një listë me disa hapa preliminar për adresim të emergjent do ta paraqes në seancë.

Po ashtu, kujtojmë se këtë të mërkurë do të ketë protestë të thirrur nga qytetarët në Prishtinë, kundër ndotjes së ajrit.