7 orë më parëAlbin Kurti mbledh kryetarët e Qendrave të VV-së, diskutohen temat e mëdha
Periskopi(8 vite më parë)
(8 vite më parë)Kryetari i Lëvizjes Vetëvendosje, Albin Kurti së bashku me ushtruesin e detyrës së Sekretarit Organizativ, Ismajl Kurteshi kanë takuar kryetarët e qendrave dhe administratorët e kësaj partisë. Sipas njoftimit të kësaj partie temë diskutimi kanë qenë temat e mëdha si ajo e demarkacionit, Gjykatës Special dhe kontrata me Contur Global. “Kryetari i Lëvizjes VETËVENDOSJE!, Albin […]
Kryetari i Lëvizjes Vetëvendosje, Albin Kurti së bashku me ushtruesin e detyrës së Sekretarit Organizativ, Ismajl Kurteshi kanë takuar kryetarët e qendrave dhe administratorët e kësaj partisë.
Sipas njoftimit të kësaj partie temë diskutimi kanë qenë temat e mëdha si ajo e demarkacionit, Gjykatës Special dhe kontrata me Contur Global.
“Kryetari i Lëvizjes VETËVENDOSJE!, Albin Kurti, së bashku me ushtruesin e detyrës së Sekretarit Organizativ, Ismajl Kurteshi, takuan në dy takime të ndara fillimisht administratorët e më pastaj edhe kryetarët e Qendrave të Lëvizjes VETËVENDOSJE!”, thuhet në njoftimin për media.
“Në këto takime u fol mbi punët organizative në Qendrat e Lëvizjes dhe detyrat që ato i presin në shtrirjen strukturore të organizatës si dhe promovimin e konceptit dhe programit të Lëvizjes në mjediset ku ata punojnë e veprojnë”.
“Poashtu, kryetari Kurti, në të dy takimet i njoftoi të pranishmit me situatën politike në Kosovë, sfidat që e presin vendin tonë në vitin që sapo kemi hyrë dhe qëndrimet politike të Lëvizjes VETËVENDOSJE! mbi këto sfida, siç janë demarkacioni, Gjykata Speciale, kontrata me Contur Global, etj”, thuhet në njoftimin e VV-së.
