4 orë më parë21 vetë që në luftë ishin fëmijë marrin pension veteranësh
Periskopi(8 vite më parë)
(8 vite më parë)Agron Demi në një shkrim të botuar në portalin KOHA ka folur për çështjen e listave të fryra të veteranëve. Ai ka përmendur disa gjetje shqetësuese, të cilat sipas tij e dëshmojnë gjendjen e keqe të sistemit ekonomik e politik të vendit tonë – përcjell Periskopi. “Janë së paku edhe tre persona të tjerë të […]
Agron Demi në një shkrim të botuar në portalin KOHA ka folur për çështjen e listave të fryra të veteranëve. Ai ka përmendur disa gjetje shqetësuese, të cilat sipas tij e dëshmojnë gjendjen e keqe të sistemit ekonomik e politik të vendit tonë – përcjell Periskopi.
“Janë së paku edhe tre persona të tjerë të lindur më 1997, të cilët marrin pension veterani, kurse në listën e veteranëve përfitues janë gjithsej 21 persona të lindur pas vitit 1991, të cilët në kohën e luftës ishin mes moshës dy e tetë vjeç.” – ka thënë ai.
Sipas tij, për 30 vitet e ardhshme, buxhetit të Kosovës veteranët do t’i kushtojnë jo më pak se 2.5 miliardë euro. Ai ka kritikuar Komisionin e caktuar për verifikimin e listave, të cilit deri tash i është vazhduar mandati katër herë.
Demi ka propozuar që në vend se të paguheshin të gjithë veteranët, shumicës prej tyre t’iu jepej nga një mirënjohje jofinanciare, ndërkaq vetëm atyre me gjendje më të rëndë, t’iu jipej edhe pensioni i caktuar.
“Aktualisht, 77% e familjeve që marrin asistencë sociale nuk e kalojnë kufirin e varfërisë. Nëse buxheti që ndahet për pensionet e veteranëve do të orientohej nga asistenca sociale, sot asnjë familje, e cila i plotëson kriteret për asistencë sociale, nuk do të mbetej në varfëri.” – ka shtuar Demi.
Lexo shkrimin e tij të plotë në linkun që vijon: http://www.koha.net/veshtrime/72172/19-vjec-veteran/
