2 orë më parëVV: Rastet e vdekjeve të dyshimta në QKUK tregojnë deri ku ka shkuar niveli i krimit
Periskopi(9 vite më parë)
(9 vite më parë)Lëvizja Vetëvendosje ka kërkuar zbardhjen e vdekjeve që kanë ndodhur ditëve të fundit në QKUK. Deputeti i kësaj partie, Sami Kurteshi,gjatë një konference për media ka shprehur shqetësimin lidhur me këto raste, duke thënë se nga e gjithë kjo duket qartë se neglizhenca e personelit ka arritur gati në nivelin e krimit, shkruan Periskopi. “Tani […]
Lëvizja Vetëvendosje ka kërkuar zbardhjen e vdekjeve që kanë ndodhur ditëve të fundit në QKUK.
Deputeti i kësaj partie, Sami Kurteshi,gjatë një konference për media ka shprehur shqetësimin lidhur me këto raste, duke thënë se nga e gjithë kjo duket qartë se neglizhenca e personelit ka arritur gati në nivelin e krimit, shkruan Periskopi.
“Tani rreziku është edhe më i madh ngase gazi veçse është futur në sistem. QKUK sikurse çdo institucion tjetër si policia, burgu etj., e ka jetën të sigurt”, ka thënë ai.
“Këto janë cilësuar si vdekje nga futja e gazit të dyshimtë për sistemin në oskigjenim. Rreziku ende ekziston sepse ky gaz është futur ne sistem. Ky me gjasë është njjëri nga rastet që ka dalur nga kontrolli sikur një eksplodim i një bombe që mban njeriu në dorë. QKUK, si institucione tjera si burgjet, qendrat e ndalimit, shkollat etj, janë institucione ku qytetarët e dorëzojnë jetën e vet. Këto institucione e kanë obligim ligjor të garantojnë jetën e njeriut. Duket qartë se neglizhenca e personave përgjegjës ka arritur diku në kufirin e krimit. Deklaratat e shpejta që kemi dëgjuar nga publikimi i rastit, duke filluar nga Ministri i Shëndetësisë, lënë të dyshojnë në dy pista. E para, personat përgjegjës e kanë ditur rrezikun që më parë sepse kanë në dorë vetë tenderët e tillë. E dyta, është e mundur se personat përgjegjës duke filluar nga vetë ministri duan të fshehin diçka që është edhe më e rreizkshme që në çdo moment mund të bëhet publike. Një është e qartë, me qëllim të komplikimit, kanë një qëllim të vetëm dhe ky është ikje nga përgjegjësia”, tha ai shkruan Periskopi.
Ndërsa Fatmire Mulhaxha-Kollqaku tha se për rastet e fundit në QKUK faji kryesor bie mbi menaxhmentin e këtij institucioni shëndetësor.
“Thuhet se nuk bëhet fjalë për faktorin njeri, porse këtu është përgjegjës kryekëput faktori njeri”, tha ajo.
Mulhaxha ka kërkuar të zbardhen këto raste sa më shpejt dhe të sqarohet se si është lejuar një kompani e pa licencuar ta fusë gazin në QKUK./Periskopi/
