Vetëvendosje për deklaratën e Kadri Veselit për Vetting: Shqetësues vetë fakti që ky ligj po përmendet nga ai

Deputeti nga radhët e Vetëvendosjes, Sami Kurteshi ka komentuar deklaratën e kryeparlamentarit Kadri Veseli se do të sjellin ligj të Vettingut në Kosovë, duke thënë se vetë fakti që ky njeri ka përmendur këtë fjalë, është shqetësim. ‘’Kjo dëshmon se një tendencë për kapjen totale të gjyqësorit, do të jetë në rend dite të kësaj […]
‘’Kjo dëshmon se një tendencë për kapjen totale të gjyqësorit, do të jetë në rend dite të kësaj qeverie. Edhe ata prokurorë e gjyqtarë të dinjitetshëm do të selektohen, veçohen dhe të largohen nga sistemi i drejtësisë.’’, ka thënë Kurteshi për Periskopin.
Sipas tij, me këtë gjë do të përfundonte misioni për çfarëdo mundësie ligjore për ndjekjen dhe dënimin e krimeve të gjithëllojshme, deri në vrasje, të kryera pas luftës në Kosovë nga pjesëtarët e Shik-ut dhe dorëzgjaturit e tyre.
Këtë gjë, Kurteshi e ka quajtur degradim të konceptit të Vetingut, apo anti-Vetingut.
Kadri Veseli sot doli me një deklaratë se brenda PDK-së e kanë diskutuar edhe mundësinë për të sjellur ligj të Vettingut në Kosovë./Periskopi/












