4 orë më parëThaçi e quan 11 shtatorin si ditë të kthesës së madhe në historinë botërore
Periskopi(9 vite më parë)
(9 vite më parë)Presidenti Hashim Thaçi ka kujtuar ditën e 11 shtatorit të vitit 2001 ku i ka cilësuar sulmet terroriste në popullin amerikan shumë mizore. Thaçi ka kujtuar edhe sulmet mbi kullat binjake për të cilat humbën jetën mijëra persona, ku më pas edhe janë binjakëzuar shumë shtete e popuj në luftë të përbashkët kundër terrorizmit. Ja […]
Thaçi ka kujtuar edhe sulmet mbi kullat binjake për të cilat humbën jetën mijëra persona, ku më pas edhe janë binjakëzuar shumë shtete e popuj në luftë të përbashkët kundër terrorizmit.
Ja postimi i plotë i tij:
Dita e 11 shtatorit 2001 ishte më e kobshmja në shekullin e sapofilluar për mbarë botën, por veçanërisht për popullin mik amerikan.
Sulmet terroriste ndaj Qendrës Botërore të Tregtisë në Nju Jork dhe ndaj Pentagonit ishin shumë mizore.
Ndonëse ditë e rëndë për mbarë botën e qytetëruar, ajo u bë edhe ditë e kthesës së madhe në historinë botërore.
Sulmet mbi kullat binjake, ku humbën jetën mijëra persona, më pas binjakëzuan shumë shtete e popuj në luftë të përbashkët kundër terrorizmit, të cilat, të udhëhequra nga SHBA-ja ngadhënjyen në këtë luftë.
Populli i Kosovës do të jetë gjithmonë përkrah popullit mik amerikan dhe sot kujtojmë viktimat e 11 shtatorit 2001 me nderime të larta shtetërore.
