Shpërthen korrupsioni në ish-shtetin sovjetik, spastrohen 2.8 miliard dollarë

Paratë thuhet se u kanalizuan përmes katër kompanive me origjinë nga Britania e Madhe.

Njerëzit që u raportua se janë paguar përfshijnë politikanët evropianë që miratuan një qëndrim të favorshëm ndaj qeverisë, raportoi “BBC”, transmeton Periskopi.

Nuk ka asnjë sugjerim se të gjithë përfituesit ishin në dijeni të burimit origjinal të parave, shtoi ky raport.

Fondi sekret, i quajtur ndryshe “Laundromat” i Azerbajxhanit, operonte për dy vjet më saktësisht deri në vitin 2014, sipas hetimeve, të kryera nga një konsorcium i gazetave evropiane dhe të botuar nga Projekti i Raportimit të Krimit të Organizuar dhe Korrupsionit (OCCRP).

Origjina e parave ishte e paqartë, tha raporti, por kishte “prova të mjaftueshme për lidhjen e saj me familjen e presidentit Ilham Alijev”.

Nuk ka pasur asnjë reagim nga qeveria e Aliyev-it.

Në kohën që skema u dyshua se u zhvillua, shteti ish-sovjetik i pasur me naftë u akuzua për korrupsion sistematik, manipulim votash dhe abuzime, duke përfshirë burgimin e politikanëve të opozitës, aktivistëve të të drejtave të njeriut dhe gazetarëve.

Pjesa më e madhe e parave është thënë të jetë paguar për lobistët, gazetarët, politikanët dhe biznesmenët të cilët kanë pasur qëndrime pozitive ndaj qeverisë azere.

Katër kompanitë të cilat dyshohen se janë përfshirë në këtë skemë të errët janëe – dy me bazë në Angli dhe dy në Skoci – tanimë janë tretur./Periskopi/